«ەڭبەك» باعدارلاماسى ناۋرىزباي اۋدانىنىڭ تۇرعىندارى اراسىندا تانىمال.
بۇل تۋرالى وڭىرلىك كوممۋنيكاسيالار قىزمەتىنىڭ باسپا ءسوز كونفەرەنسياسى بارىسىندا الماتى قالاسى ناۋرىزباي اۋدانىنىڭ اكىمى سانجار توعاي ايتتى، كوپ جاعدايدا ازاماتتاردى جۇمىسپەن قامتۋعا مەملەكەتتىك باعدارلامالار ىقپال ەتكەنىن اتاپ ءوتتى، دەپ حابارلايدى Almaty-akshamy.kz
اۋدان اكىمى «ەڭبەك» ناتيجەلى جۇمىسپەن قامتۋ جانە جاپپاي كاسىپكەرلىك باعدارلاماسى بويىنشا قىسقا مەرزىمدى كاسىپتىك وقۋعا 83 ادام جىبەرىلگەنىن، الەۋمەتتىك جۇمىس ورىندارىنا 89 تۇرعىن، قوعامدىق جۇمىستارعا 690 ادام، جاستار پراكتيكاسى بويىنشا 116 تۇلەك جۇمىسپەن قامتىلعانىن، تۇراقتى جۇمىسقا 1 542 ادام، ءبىرىنشى جۇمىس ورنىنا 4 جۇمىسسىز ورنالاسقانىن، بۇدان باسقا 200 اەك مولشەرىندە 153 گرانت بەرىلگەنىن حابارلادى.
«ەڭبەك» باعدارلاماسى ناۋرىزباي اۋدانىنىڭ تۇرعىندارى اراسىندا تانىمال. ونىڭ ارقاسىندا كوپتەگەن ادامدار جاڭا داعدىلارعا يە بولادى، جۇمىس تابادى جانە ءوز ءىسىن اشادى. مىسالى، بيىل 133 ميلليون تەڭگەدەن استام سوماعا 9 جوبا ماقۇلداندى. ءبىزدىڭ مىندەتىمىز – قالا تۇرعىندارىنىڭ كاسىپكەرلىك باستاماسىنا كومەكتەسۋ»، - دەدى سانجار توعاي.
«بيزنەستىڭ جول كارتاسى – 2025» باعدارلاماسى بويىنشا جالپى قۇنى 426 ملن تەڭگە بولاتىن 28 جوبا ماقۇلداندى. مىسالى، «Almaty business – 2025» اياسىندا كەڭسە تاۋارلارىن وندىرەتىن «اينار-كەڭسە» كاسىپورنىنىڭ جوباسىن ىسكە اسىرۋ ءۇشىن 2%-دىق مولشەرلەمەمەن 70 ملن تەڭگە كولەمىندە جەڭىلدەتىلگەن نەسيە بەرىلدى.