«تاۋەلسىز قازاقستان: بەيبىتشىلىكتىڭ، كەلىسىمنىڭ جانە جاسامپازدىقتىڭ 30 جىلى» كىتابى قالالىق بالالار كىتاپحاناسىنا تارتۋ ەتىلدى

كىتاپ تارتۋ ەتىلدى

قازاقستان رەسپۋبليكاسى تۇڭعىش پرەزيدەنتى كۇنى مەرەكەسى قارساڭىندا الماتى قالاسى ءماسليحاتىنىڭ دەپۋتاتى، Nur Otan پارتياسى فراكسياسىنىڭ مۇشەسى  شۋحراد شاردينوۆ س.بەگالين اتىنداعى ورتالىق قالالىق بالالار كىتاپحاناسىنا «تاۋەلسىز قازاقستان: بەيبىتشىلىكتىڭ، كەلىسىمنىڭ جانە جاسامپازدىقتىڭ 30 جىلى» اتتى كىتاپتاردى سىيلادى، دەپ حابارلايدى Almaty-akshamy.kz

«قازاقستاندا تاۋەلسىزدىكتىڭ 30 جىلى بارىسىندا ۇلىسارالىق كەلىسىمنىڭ بىرەگەي مودەلى قالىپتاستى. قازاقستان حالقى اسسامبلەياسىڭ جانە جالپى بەيبىتشىلىك پەن كەلىسىمنىڭ باستاۋىندا ەلباسى نۇرسۇلتان ءابىش ۇلى نازاربايەۆ بولدى. ساليقالى ساياساتتىڭ، قازاقستانداعى اۋىزبىرلىكتىڭ ارقاسىندا ەلىمىز قىسقا مەرزىم ىشىندە زور جەتىستىكتەرگە قول جەتكىزدى. ەندىگى ءبىزدىڭ ورتاق ماقساتىمىز – مەملەكەتتىلىگىمىزدى جانە قازاقستاندىق ءپاتريوتيزمدى ارى قاراي نىعايتۋ. بۇگىن ءبىز وسى كىتاپتاردى قالامىزدىڭ ءبىرقاتار كىتاپحانالارىنا تابىستاۋ جونىندە شەشىمگە كەلدىك. قالا تۇرعىندارى، اسىرەسە، بالالار تاۋەلسىز وتانىمىزدىڭ اۋىزبىرلىكتى كۇشەيتۋ جولىنداعى تاريحىمەن تانىسىپ، ونىڭ قۇندىلىعىن ساراپتاۋعا مۇمكىندىك الادى. بالالار – ەلىمىزدىڭ جارقىن بولاشاعى. بۇگىنگى جاستار مەملەكەتىمىزدىڭ جەتىستىكتەرىن الداعى ۋاقىتتا ەسەلەپ، قازىرگى تاڭدا باستاۋ العان ءىرى جوبالار مەن باستامالاردىڭ جالعاستىرۋشىسى بولادى»، - دەدى ماسليحات دەپۋتاتى.     

بالالار كىتاپحاناسىمەن قاتار اتالمىش كىتاپتار قازاقستان رەسپۋبليكاسىنىڭ ۇلتتىق كىتاپحاناسىنا، الماتى قالاسى ورتالىقتاندىرىلعان كىتاپحانالار جۇيەسىنە جانە ا.پ.چەحوۆ اتىنداعى ورتالىق قالالىق كىتاپحاناعا تارتۋ ەتىلدى.

كىتاپ ءۇش تىلدە شىعارىلعان. كەڭ وقىرمان قاۋىمىنا قولجەتىمدى بولادى.

ەستەرىڭىزگە سالا كەتەيىك، Nur Otan پارتياسىنىڭ سايلاۋالدى باعدارلاماسىن جۇزەگە اسىرۋ جونىندەگى الماتى قالالىق جول كارتاسىنىڭ «قالالىق كىتاپحانالاردى شىعارماشىلىق ورتالىقتارىنا ترانسفورماسيالاۋ ارقىلى تەگىن شىعارماشىلىق ۇيىرمەلەردىڭ جانە كوۆوركينگ-ورتالىقتاردىڭ سانىن ارتتىرۋ» جونىندەگى تارماقتىڭ ىسكە اسىرىلۋى دەپۋتات ش.ا. شاردينوۆتىڭ باقىلاۋىندا.