سولتۇستىك قازاقستان وبلىسىندا جاڭا كىرپىش زاۋىتى اشىلدى، دەپ حابارلايدى Almaty-akshamy.kz Egemen.kz-كە سىلتەمە جاساپ.
سولتۇستىك قازاقستان وبلىسىندا جاڭا كىرپىش زاۋىتى اشىلادى دەگەن اڭگىمە وسىدان ەكى جىل بۇرىن باستالعان ەدى. زاۋىت قىزىلجار اۋدانىنداعى پودگورنوە اۋىلىندا سالىنادى جانە بولىنەتىن ينۆەستيسيا كولەمى 1 ملرد تەڭگەنى قۇرايدى دەپ بولجانعان. ءوندىرىس قۋاتى تاۋلىگىنە 150 مىڭ كىرپىش وندىرۋگە جەتەتىنى جانە 150 ادامعا جۇمىس ورنى اشىلاتىنى دا ايتىلعان. ءبىراق بۇل كەزدە قاتتى ءورشىپ بارا جاتقان ىندەت اياققا تۇساۋ سالىپ، جۇمىس قارقىنى باياۋلاپ قالعان ەدى.
پودگورنوە اۋىلىنىڭ بۇل جوباعا تارتىلۋى دا تەگىن ەمەس. ءويتكەنى ەلدى مەكەن وبلىس ورتالىعىنان بار بولعانى 30 شاقىرىمداي جەردە ورنالاسقان جانە كىرپىشتىڭ نەگىزگى شيكىزاتى – لايبالشىقتى دا جاقىن ماڭنان وندىرۋگە بولادى. ءوزى ۇلكەن جولدىڭ ۇستىندە بولعاندىقتان قالادان قىسى-جازى جۇمىسشىلاردى جەتكىزۋگە دە ەش كەدەرگى جوق. الايدا 2021 جىلى العاشقى ءونىمىن بەرەءدى دەگەن ءوندىرىستىڭ جۇمىسى جوعارىدا ايتىلعان سەبەپپەن توقىراپ قالعان-تىن.
ءبىراق «سك كيرپيچ» ج ش س قۇرىلتايشىسى گاريك بەرنەسيان دا العان بەتىنەن قايتپاي، كىرپىش زاۋىتىن ىسكە قوستى. ءونءدىرىس وشاعىنىڭ اشىلۋىنا وبلىس اكىءمى قۇمار اقساقالوۆ قاتىسىپ،ونەركاسىپتىڭ العاشقى ونىمدەرىمەن تانىستى.
ارينە، زاۋىت ءتورت اياعىنان تەڭ باسىپ كەتتى دەۋ قيىن، ءالى دە جەتىلمەگەن جاعى كوپ. قۇرىلتايشىنىڭ ءوزى جۇمىس كۇشىنە تولىق ەنگەندە 160 ادام جۇمىس ىستەپ، ايىنا 4،5 ملن دانا كىرپىشكە دەيىن شىعاراتىنىن ايتتى. «ازىرگە كىرپىشتىڭ ەكى ءتۇرىن شىعارامىز، ءقازىر ءبىر جەءلى عانا ىسكە قوسىلىپ، 80 ادام ەڭبەك ەتىپ جاتىر. لايبالشىقتى جەرگىلىكتى ورىنداردان الامىز. وعان كومىر قوسىپ كۇيدىرىپ، دايىن ءونىم شىعارامىز»، دەدى ول.
ءونىمنىڭ قانشالىقتى ساپالى بولارىن ۋاقىت كورسەتەر، ءبىراق جەرگىلىكتى قۇرىلىس كومپانيالارىنا 110-120 تەڭگەدەن ساتىلىپ، كىرپىشتى الىستان تاسىتپاي، قۇرىلىستىڭ وزىندىك قۇنىن تومەندەتۋگە سەپتىگىن تيگىزەرى حاق.
وبلىس اكىمى قۇمار اقساقالوۆ ماڭىزدى جوبا 4 پايىزدىق وسىممەن بەرىلگەن 800 ملن تەڭگەگە بوي كوتەرگەنىن ايتتى. ءبىز قۇرىلىس كومپانيالارىنا قاجەتتى نەگىزگى قۇرىلىس ماتەريالىن جاقىننان تابۋدى كوزدەپ، كىرپىش زاۋىتىن سالاتىن ينۆەستوردى ۇزاق ىزدەدىك. ءسويتىپ تالابىمىزعا ساي كەلەتىن ينۆەستوردى ەكى جىل بۇرىن تاپتىق. ەندى، مىنە، جوبانىڭ ىسكە اسىرىلعانىن كورىپ وتىرمىز. ءبىز كومپانياعا جەر ۋچاسكەسىن دە بەس جىلعا تەگىن بەردىك. ءتۇرلى سالىقتان دا بوساتتىق. كاسىپورىن قۇرىلىسىنا ينۆەستوردىڭ سالعانىمەن قوسا ەسەپتەگەندە، بارلىعى 1،8 ملرد تەڭگە قاراجات قۇيىلدى. الداعى 2-3 ايدا بۇدان باسقا دا قۇرىلىس ماتەريالدارىن جاسايتىن كاءسىپورىندار اشۋدى جوسپارلاپ وتىرمىز. ءسويتىپ جەرگىلىكتى قۇرىلىس كومپانيالارىن ىشكى ماتەريالدارمەن تولىق قامتاماسىز ەتۋ جونىندەگى ماقساتىمىزدى ورىندايمىز»، دەدى ول.
كىرپىش وڭدەۋدى جاقسى يگەرگەن سولتۇستىكقازاقستاندىقتار بۇرىن وبلىستى عانا ەمەس، كورشىلەس وڭىرلەردى دە قامتاماسىز ەتەتىن. ەندى ۇكىمەتتىڭ قولداۋىمەن سول جەتىستىكتى قايتادان جانداندىرۋعا جول اشىلىپ وتىر.