الماتىدا قالانىڭ اشىق كۋبوگى اياسىندا العاش رەت ينكليۋزيۆتى تەننيس سايىسى ءوتتى، دەپ حابارلايدى Almaty-akshamy.kz 24.kz-كە سىلتەمە جاساپ.
«قىزىل دوپ» دەپ اتالعان بۇل ءىس-شارانى ەلىمىزدىڭ تەننيس فەدەراسياسى ۇيىمداستىردى. فەدەراسيادا مۇگەدەكتەر مەن كەسەلگە ۇشىراعان جاستاردى سپورتقا بەيىمدەۋدىڭ مەملەكەتتىك باعدارلاماسىن وڭتايلى ىسكە اسىرىپ كەلەدى. تىرەك-قيمىل جۇيەسى زاقىمدانعان بالالاردى وڭالتۋ ءۇشىن ينكليۋزيۆتى تەنيستىڭ پايداسى زور.
باسەكەگە اربادا وتىرعان ويىنشىلار دا قاتىسا الادى. پاراليمپيادانىڭ رەسمي تىزىمىنە ەنگەن بۇل سپورت ءتۇرى قازاقستاننىڭ 6 وڭىرىندە دامىپ كەلە جاتقانىن ايتا كەتكەن ءلازىم. جالپى ەلدە ينكليۋزيۆتى تەننيسپەن 150 ادام تەگىن شۇعىلدانادى.
اقمارال سابدەنبەكوۆا، قالا تۇرعىنى:
- بالالارىمىزعا جاقسىلىق جاساپ جاتقانىنا ۇلكەن راحمەت. قىزىم وسىعان وتە قىزىعىپ كەلەدى. «ماما، بارايىنشى، كەرەمەت» دەيدى، «قىزىق» دەيدى. الدىندا پلاۆانيەگە بارعان، سۋرەتكە بارعان، تاڭداعانى وسى تەننيس بولدى. ۇلكەن تەننيس.