مەملەكەتتىك حاتشى ەرلان قارين سولتۇستىك قازاقستان وبلىسىنا جۇمىس ساپارىمەن كەلىپ، وبلىس تۇرعىندارىمەن كەزدەستى. ول الدىمەن وقۋشىلار سارايىندا بولىپ، وبلىستىڭ ءتۇرلى سالاداعى كاسىپكەرلەرى، شارۋاشىلىق باسشىلارىمەن كەزدەستى Almaty-akshamy.kz Egemen.kz-كە سىلتەمە جاساپ.
ەرلان قارين الدىمەن وبلىس اكتيۆىمەن جولىقتى. وبلىس اكىمى قۇمار اقساقالوۆ ءوڭىردىڭ الەۋمەتتىك-ەكونوميكالىق دامۋى مەن ينفراقۇرىلىمدىق جوبالاردىڭ ورىندالۋى جايىندا باياندادى. ءوز كەزەگىندە مەملەكەتتىك حاتشى الداعى كونستيتۋسيالىق رەفورمانىڭ نەگىزگى باعىتتارى تۋرالى ايتتى. سونداي-اق جۇزەگە اسىرىلاتىن رەفورما حالىقتىڭ ەلدى باسقارۋ ىسىنە ارالاسۋىن ارتتىرۋعا جانە ساياسي پروسەستەردى دەموكراتيالاندىرۋ ءىسىن ودان ءارى جالعاستىرۋعا مۇمكىندىك بەرەتىنىنە نازار اۋداردى.
وبلىستىق اكىمدىكتەگى كەلەسى كەزدەسۋىندە ول قوعامدىق بەلسەندىلەر، ۇەۇ، كەڭەستەر مۇشەلەرىمەن كەزدەستى. سوڭعى كەزدەسۋىن س.مۇقانوۆ اتىنداعى وبلىستىق امبەباپ كىتاپحانادا جالعاستىرىپ، جاستار وكىلدەرىمەن، بەلسەندىلەرىمەن كەزدەستى. ەرلان قارين ەلىءمىزءدىڭ الدىندا تۇرعان ماڭىزدى ءىس-شارا – رەفەرەندۋم تۋرالى كەڭ كولەمدە ءتۇسىنىكتەر بەردى. مەملەكەت باسشىسى ۇسىنىپ وتىرعان كونستيتۋسياعا ەنگىزىلەتىن وزگەرىستەر ەلدى دەموكراتيالاندىرۋعا جاسالعان باتىل قادام ەكەنى ايتىلدى. ءوزگەرىسكە تۇسەتىن 33 باپتىڭ ءارقايسىنا كەڭىنەن توقتالىپ، ءارقايسىنىڭ ماڭىزىن جەتكىزءدى. سونىڭ ىشىندە كونستيتۋسيالىق سوتتىڭ قايتادان قالپىنا كەلتىرىلۋىنىڭ قاراپايىم ادامداردىڭ قۇقىعىن قورعاۋداعى ماڭىزى تۋرالى ايتتى. «بۇرىنعى كونستيتۋسيالىق كەڭەسكە تەك پرەزيدەنت قانا قايىرىلۋعا قۇقىلى بولسا، ەندى كونستيتۋسيالىق سوتقا پرەزيدەنت تە، پرەمەر-مينيستر دە، دەپۋتاتتار دا جانە قاراپايىم ادامدار دا قايىرىلۋعا قول جەتكىزەتىن بولادى. بۇل ءاربىر ادامنىڭ ءوز قۇقىن قورعاۋىنا مول مۇمكىندىك بەرەدى. ال ادام قۇقى جونىندەگى وكىل ءتىپتى سوت «ارىزدانۋعا بولمايدى» دەپ شىعارعان ۇكىمدى دە كونستيتۋسيالىق سوتتىڭ قاراۋىنا ۇسىنا الادى»، دەدى ول. مەملەكەتتىك حاتشى سايلاۋ تۋرالى وزگەرىستەرگە جەكە-جەكە توقتالىپ، ولاردىڭ ماڭىزدىلىعىن دا جەتە ءتۇسىندىرىپ بەردى. پرەزيدەنتتىڭ ساياسي پارتياعا مۇشە بولماۋى تۋرالى دا ايتتى. كونستيتۋسياعا ەنگىزىلەتىن جاڭا وزگەرىستەردى پرەزيدەنتتىڭ ەكىنشى رەسپۋبليكاعا تەڭ بولادى دەپ باعالاعاندىعى تۋرالى دا تەرەڭ تۇسىنىكتەر بەردى.
مەملەكەتتىك حاتشىعا وتىرعاندار كوپتەگەن سۇراق قويدى. سونىڭ ىشىندە اسسامبلەيانىڭ قۇقىنا قاتىستى سۇراقتار دا بولدى. سونىمەن بىرگە جەرگىلىكتى ماسەلەلەر تۋرالى ءوڭىرلەر دە وزىندىك رەفەرەندۋمدار وتكىزۋىنە بولا ما دەگەن سياقتى ماسەلەلەر دە العا تارتىلدى.
وڭىرگە جۇمىس ساپارى بارىسىندا مەملەكەتتىك حاتشى وڭىردەگى جاستار ۇيىمدارىنىڭ بەلسەندىلەرىمەن دە كەزدەستى. وندا جاس ۇرپاقتىڭ قوعامدىق جۇمىستارعا بەلسەندى ارالاسۋىن ارتتىرۋ جانە جاستارعا قاتىستى جوبالاردى قولداۋ ماسەلەلەرى قوزعالدى. كەزدەسۋ قورىتىندىسى بويىنشا ەرلان قارين جاستاردىڭ رەفەرەندۋم مەن ساياسي رەفورمالارعا ۇلكەن قىزىعۋشىلىق تانىتىپ وتىرعانىن اتاپ ايتتى.
جالپى العاندا، وبلىس جۇرتشىلىعى ەلىمىزدە اتقارىلىپ جاتقان ساياسي جاڭعىرۋ ۇدەرىستەرىن ءجىتى باقىلاپ وتىرعانىن ايتىپ، قولعا الىنعان رەفورمالاردى جۇزەگە اسىرۋعا دايىن ەكەندەرىن جەتكىزدى.