الماتى قالاسى، تۇركسىب اۋدانىنا قاراستى الماتى جولاۋشىلار كولىگى جانە تەحنولوگيالار كوللەدجىندە ۇستىمىزدەگى جىلدىڭ 22 اقپان كۇنى، "جۇمىسشى ماماندىقتار جىلى" جوباسىنىڭ اياسىندا جۇمىس بەرۋشىلەرمەن، "جاڭا كاسىپتەر اتلاسى" تاقىرىبىندا دوڭگەلەك ۇستەل ءوتتى. بۇگىندە الەم بۇرىن-سوڭدى بولماعان قارقىنمەن وزگەرۋدە. بارلىق وزەكتى ترەندتەردەن حاباردار بولىپ، جاڭا سىن-قاتەرلەرگە دايىن بولۋ ءۇشىن ءبىز ەڭ تاجىريبەلى جۇمىس بەرۋشىلەردى جيناپ، «جاڭا كاسىپتەر اتلاسىن» – بولاشاقتاعى مانساپتىق مۇمكىندىكتەر كارتاسىن ۇسىندى.
جۇمىس بەرۋشىلەرمەن بىرگە كوللەدجدىڭ اكىمشىلىك قۇرامى ەڭبەك نارىعىنىڭ قالاي وزگەرىپ جاتقانىن، تەحنولوگيالىق جانە ەكونوميكالىق ترەندتەرگە بايلانىستى قانداي جاڭا كاسىپتەردىڭ پايدا بولىپ جاتقانىن، سونداي-اق بولاشاق ماماندار ءۇشىن قانداي داعدىلار نەگىز بولاتىنىن تالقىلادى.
الماتى جولاۋشىلار كولىگى جانە تەحنولوگيالار كوللەدجىنىڭ ديرەكتوردىڭ وقۋ وندىرىستىك ءىسى مەن وقۋ ءىسى جونىندەگى ورىنباسارلارى تلەۋعازى ە.س.، جانە باستاسوۆ س.ە. «كوللەدج: جەتىستىكتەر، مۇمكىندىكتەر، جانە ماماندىقتار»، «التەرناتيۆتى جانە ەكوترانسپورت تەحنيگى» مەن «جاڭا ماماندىقتار اتلاسى» اتتى تاقىرىپتاردا بايانداما جاسادى. بۇگىندە ەڭبەك نارىعى جاڭا تەحنولوگيالار، ەكولوگيالىق ستاندارتتار جانە ەكونوميكالىق فاكتورلاردىڭ اسەرىنەن قارقىندى تۇردە وزگەرىپ كەلەدى. كولىك سالاسى دا بۇل وزگەرىستەردەن قالىس قالماي، ەكولوگيالىق تازا شەشىمدەرگە كوشۋدە. وسىعان بايلانىستى «التەرناتيۆتى جانە ەكوترانسپورت تەحنيگى» سياقتى جاڭا ماماندارعا سۇرانىس ارتىپ وتىرعاندىعىن ءوز باياندامالارىندا سوزگە تيەك ەتتى.
كولىك سالاسىندا «اتلاس» ەلەكتر كولىكتەرى، سۋتەكتى تەحنولوگيالار جانە اۆتوماتتاندىرىلعان جۇيەلەر سياقتى بولاشاعى زور باعىتتاردى اتاپ كورسەتەدى.
«التەرناتيۆتى جانە ەكوترانسپورت تەحنيگى» ماماندىعى. بۇل ماماندىق ەلەكتر كولىكتەرىمەن جانە جاڭا تەحنولوگيالارمەن جۇمىس ىستەيتىن مامانداردى دايارلاۋعا باعىتتالعان. نەگىزگى داعدىلار:
• ەلەكتر كولىكتەرى مەن گيبريدتەردىڭ دياگنوستيكاسى مەن تەحنيكالىق قىزمەت كورسەتۋى؛
• اككۋمۋلياتورلار مەن زاريادتاۋ ستانسيالارىمەن جۇمىس ىستەۋ؛
• اقاۋلاردى ىزدەۋ جانە ولاردى جويۋ؛
• كولىكتەردى دياگنوستيكالاۋعا ارنالعان زاماناۋي باعدارلامالاردى پايدالانۋ بولىپ تابىلادى.
ياعني، ەكولوگيالىق كولىككە كوشۋ — بۇل جاي عانا ترەند ەمەس، بۇل — زامان تالابى. وسى سالادا ماماندار دايارلاۋ كومپانيالارعا قاجەتتى كادرلاردى تابۋعا جانە ۋاقىتپەن بىرگە ىلگەرىلەۋگە كومەكتەسەدى.
شارادا كوپتەگەن پىكىر-تالاستار مەن جاڭا يدەيالار، باستامالار ۇسىنىلدى.
دوڭگەلەك ۇستەل بارىسىندا ايتىلعان ماسەلەلەردىڭ نەگىزگى قورىتىندىلارىنا توقتالساق، ولار:
* جاڭا كاسىپتەر يكەمدىلىكتى جانە ءومىر بويى وقۋعا دايىن بولۋدى تالاپ ەتەدى.
* تەحنولوگيالار مەن سيفرلاندىرۋ مانساپتىق ءوسۋدىڭ جاڭا مۇمكىندىكتەرىن اشادى.
* ءپانارالىق داعدىلاردى دامىتۋ جانە مالىمەتتەرمەن جۇمىس ىستەۋدى ۇيرەنۋ ماڭىزدى.
سونىمەن قاتار شارا بارىسىندا، ارنايى كەلگەن ءار سالا قوناقتارىمەن بىرلەسە وتىرىپ، كوللەدج اكىمشىلىك قۇرامى كوپتەگەن قىزىقتى تاقىرىپتاردى بىرلەسە تالقىلاپ، سونىڭ ىشىندە جاڭا ءارى پەرسپەكتيۆالى ماماندىق – «التەرناتيۆتى جانە ەكو-كولىك تەحنيكاسىنىڭ مامانى» تۋرالى تاقىرىپ بارىسىنداعى تالقىلاۋدى ەرەكشە نەگىزگە الدى.
ەكولوگيا مەن تۇراقتى شەشىمدەرگە نازار اۋدارۋ ارتىپ كەلە جاتقان قازىرگى الەمدە بۇل ماماندىقتىڭ ماڭىزى ارتا تۇسۋدە. ساراپشىلار ەلەكتروموبيلدەر، گيبريدتى جانە سۋتەگى تەحنولوگيالارىنىڭ دامۋىنا بايلانىستى بۇل كولىك قۇرالدارىن جوندەۋ جانە قىزمەت كورسەتۋ سالاسىندا بىلىكتى ماماندارعا سۇرانىس ارتا بەرەتىنىن اتاپ ءوتتى.
بولاشاقتا وسىنداي باعىتتاعى ءىس-شارالار، دوڭگەلەك ۇستەلدەر كوپتەپ وتۋىنە ۇسىنىستار ايتىلدى.
شاراعا بەلسەندى قاتىسىپ، ءوز يدەيالارىمەن بولىسكەن قوناقتارىمىزعا العىس بىلدىرەمىز! مۇنداي كەزدەسۋلەر مانساپتى دامىتۋ جانە ەڭبەك نارىعىنداعى وزگەرىستەرگە بەيىمدەلۋ ماسەلەلەرىنە جاۋاپ تابۋعا كومەكتەسەتىنىنە كامىل سەنەمىز!
دوڭگەلەك ۇستەلىمىزگە قاتىسقان بارلىق ساراپشىلار مەن قاتىسۋشىلارعا ۇلكەن العىس بىلدىرە وتىرىپ، ەڭبەكتەرىڭىزگە تولاعاي تابىستار تىلەيمىز!