Freeride World Tour Qualifier – الەم بويىنشا وتەتىن ىرىكتەۋ جارىستارى.
رايدەرلەر الەم بويىنشا وتەتىن ءتۇرلى كەزەڭدەرگە قاتىسىپ، بالل جينايدى. ولاردىڭ ىشىندەگى ەڭ ۇزدىكتەرى FWT Challenger-گە شاقىرىلادى. وعان قاتىسۋ – FWT Pro سەرياسىنا ىرىكتەلىپ شىعۋ مۇمكىندىگى، دەپ حابارلايدى aqshamnews.kz.
FWT جارىستارى 5 كريتەريي بويىنشا باعالانادى:
● جەلىنىڭ كۇردەلىلىگى: رايدەر ءجۇرىپ وتەر جولدىڭ قايسىسىن تاڭدايدى جانە الدىندا قانداي كەدەرگىلەر تۇرادى.
● تەحنيكا: باسقا رايدەر جەڭىل ءوتىپ كەتكەن جەردى سەن جانىڭمەن سىرعاناۋىڭ كەرەك بولۋى مۇمكىن، ودان ۇپاي جوعالتاسىڭ.
● باقىلاۋ: ءوز ارەكەتتەرىڭدى تولىق باقىلاۋىڭ كەرەك. تورەشىلەر تاۋەكەل ەتەتىن، ءبىراق داعدىلارى جەتىلمەگەندەرگە قاتال بولۋى مۇمكىن.
● سەكىرۋ. قانشالىقتى بيىك سەكىردىڭ؟ اۋادا نە بولدى؟ رايدەردىڭ جەرگە قونۋى قانشالىقتى جاقسى بولدى؟
● فليۋيدتىلىك – ءماجبۇر بولىپ توقتاماي، باسىنان سوڭىەا دەيىن قانشالىقتى تەز قوزعالاسىڭ.
جارىستار وتەتىن بەتكەي: FWQ 2 جۇلدىز – «شكولنيك» شىڭىنىڭ بەتكەيى
Qualifier 2*-گە قازىرگى كەزگە دەيىن تىركەلگەن قاتىسۋشىلار سانى – 95.
قاتىسۋشى ەلدەر: اۆستراليا، يتاليا، جۇڭگو، يران، قىرعىزستان، لاتۆيا، پولشا، رەسەي، اقش، تايبەي، فرانسيا، جاپونيا.
قاتىسۋشىلار شاڭعى بويىنشا دا (ايەلدەر مەن ەرلەر)، سنوۋبورد بويىنشا دا (ايەلدەر مەن ەرلەر) قاتىسا الادى.
FWQ — قيىندىق دەڭگەيلەرى ءارتۇرلى ىرىكتەۋ كەزەڭدەر جۇيەسى، وندا سپورتشىلار Freeride World Tour-عا قاتىسۋ مۇمكىندىگىنە يە بولۋ ءۇشىن ۇپاي جينايدى. جارىس 1، 2، 3*** جانە 4* دەڭگەيلەرىنە بولىنەدى – دەڭگەي جوعارى بولعان سايىن، رايدەر جۇلدەلى ورىن العانى ءۇشىن سونشا رەيتينگتىڭ ۇپاي جينايدى. ماۋسىم قورىتىندىسى بويىنشا ۇزدىك دەپ تانىلعان سپورتشىلار FWT-عا ءوتىپ، الەمنىڭ مىقتى فريرايدشىلارىمەن جارىسۋ مۇمكىندىگىن الادى.
وسىلايشا، Freeride World Qualifier — پەرسپەكتيۆتى رايدەرلەردىڭ ەليتاعا ءوتۋ مۇمكىندىگى، ال Freeride World Tour — ۇزدىكتەردىڭ ۇزدىگى قاتىساتىن جوعارى دەڭگەيدەگى جارىس.