بۇل تۋرالى ەڭبەك جانە حالىقتى الەۋمەتتىك قورعاۋ ءمينيسترى تامارا دۇيسەنوۆا مالىمدەدى.
2023 جىلدىڭ 1 قاڭتارىنان باستاپ الەۋمەتتىك تولەمدەر مەن الەۋمەتتىك قىزمەتتەر پرواكتيۆتى فورماتتا كورسەتىلەدى، دەپ حابارلايدى Almaty-akshamy.kz
ۇكىمەت وتىرىسىندا پرەمەر-مينيستر ءاليحان سمايىلوۆ الەۋمەتتىك قىزمەتتى پرواكتيۆتى فورماتقا وزگەرتۋ ءۇشىن «وتباسىنىڭ سيفرلىق كارتاسى» وتە ماڭىزدى ەكەنىن اتاپ ءوتتى. ول سيفرلىق كارتا 1 قاڭتاردان باستاپ بۇكىل وڭىردە جۇمىس ىستەي مە دەپ سۇرادى.
«1 قاڭتاردان باستاپ الەۋمەتتىك قورعاۋ سالاسىنا قاتىستى بارلىق تولەم مەن الەۋمەتتىك قىزمەتتەر پرواكتيۆتى فورماتتا جۇرگىزىلە باستايدى. ءبىراق باسقا مەملەكەتتىك ورگانداردىڭ اقپارات جۇيەسىندەگى دەرەكتەر ارقىلى كورسەتىلەتىن قىزمەتتەر ينتەگراسيادان كەيىن كەزەڭ-كەزەڭمەن بەرىلەدى. مىسالى، سوتتىڭ شەشىمىنە بايلانىستى كورسەتىلەتىن قىزمەتتەر، شەتەلدەن كەلگەن ازاماتتارعا بەرىلەتىن قىزمەتتەر»، - دەپ جاۋاپ بەردى دۇيسەنوۆا ۇكىمەت وتىرىسىندا.
سمايىلوۆ «وتباسىنىڭ سيفرلىق كارتاسىنىڭ» پيلوتتىق نۇسقاسى قىركۇيەكتەن بەرى ءبىرقاتار قىزمەت بويىنشا جۇمىس ىستەپ تۇرعانىن جانە ءقازىردىڭ وزىندە تيىمدىلىگىن كورسەتكەنىن اتاپ ءوتتى.
«الەۋمەتتىك قولداۋ الۋ قاجەتتىلىگى سيفرلىق كارتا اياسىندا اقپاراتتىق جۇيە ارقىلى ايقىندالادى. ياعني، ازاماتتار ءتيىستى ورگاندارعا جۇگىنبەي-اق مەملەكەتتىڭ قولداۋىنا يە بولادى. مەملەكەت بۇل قاجەتتىلىكتى ءوزى انىقتايدى جانە بارلىق ءراسىمدى اۆتوماتتى تۇردە جۇرگىزەدى»، - دەدى پرەمەر-مينيستر.