ەكوشىرشانى قۇرۋعا 300-گە جۋىق ادام قاتىستى
اقمەشىت كوشەسىنىڭ قاسىنداعى نۇرجول جەلەكجولىندا قازاقستان، رەسەي، قىرعىزستان، وزبەكستان جانە اقش تۇرعىندارىمەن تولىقتاي بايلانىسقان ەكوشىرشا پايدا بولدى، دەپ حابارلايدى Almaty-akshamy.kz 24.kz-كە سىلتەمە جاساپ.
جاسىل ءتۇستى ەكوشىرشا تولىعىمەن قولمەن بايلانعان. ونى قۇرۋعا 300-گە جۋىق ادام قاتىستى، ولار سوڭعى بىرنەشە كۇندە توقۋدى ۇيرەندى. ايتپاقشى، جوبانى حالىقارالىق دەپ اتاۋعا بولادى.
قازاقستاندىقتاردان بولەك وعان رەسەي، قىرعىزستان، وزبەكستان جانە ءتىپتى اقش تۇرعىندارى دا قاتىستى. توقىلعان سۇلۋلىقتىڭ بيىكتىگى لوگوتيپپەن بىرگە 7 مەتر. ول 170 مىڭعا جۋىق ىلمەكتەن تۇرادى. شىرشانى توقۋشىلار ونىڭ وزىنە جانە ويىنشىقتار جاساۋ ءۇشىن 400-دەن استام يىرىلگەن ءجىپتى قولداندى.