جاڭا جىلدا بالاعا سىيلىق تاڭداعاندا قانداي ماسەلەگە نازار اۋدارعان دۇرىس

كونديتەرلىك ونىمدەردى توڭازىتقىشتا نەمەسە قاپتامادا كورسەتىلگەن تەمپەراتۋرا رەجيمى بار بولمەدە ساقتاۋ كەرەك

الماتى قالاسىنىڭ سانيتارلىق-ەپيدەميولوگيالىق باقىلاۋ دەپارتامەنتى جاڭاجىلدىق سىيلىققا قويىلاتىن تالاپتاردى ءتۇسىندىردى، دەپ حابارلايدى Almaty-akshamy.kz.

ۆەدومستۆونىڭ باسپا ءسوز قىزمەتىنەن حابارلاعانداي، جاڭاجىلدىق سىيلىقتى دۇكەن، سۋپەرماركەت، بولشەك جانە كوتەرمە ساۋدا بازارى سەكىلدى ۇيىمداستىرىلعان ساۋدا ورىندارىنان الۋ قاجەت.

«سىيلىقتى ساتىپ الاردا، ەڭ الدىمەن، ونىڭ مازمۇنىنا نازار اۋدارۋ قاجەت. جاڭاجىلدىق سىيلىقتاردا تەز بۇزىلاتىن ونىمدەر بولماۋ كەرەك. تاتتىلەردىڭ قۇرامىندا ءدام مەن حوش ءيىستى كۇشەيتكىشتەر، كونسەرۆانتتار (E200، E202، E210، E249)، سينتەتيكالىق بوياعىشتار، تابيعي سەكىلدى حوش يىستەندىرگىشتەر، گيدرلەنگەن مايلار مەن توڭ مايلار، سونداي-اق تابيعي كوفە بولماۋى كەرەك. تابيعي بوياعىشتار مەن حوش يىستەندىرگىشتەر قۇرامىنا رۇقسات ەتىلەدى. ءار سىيلىقتا ءونىم تۋرالى مەملەكەتتىك جانە ورىس تىلىندە اقپاراتتى قامتيتىن انىق، وڭاي وقىلاتىن بەلگى (زاتبەلگى) بولۋى كەرەك»، - دەلىنەدى ۆەدومستۆو حابارلاماسىندا.

كونديتەرلىك ءونىم تاڭباسىندا مىناداي اقپارات بولۋى ءتيىس:

ءونىمنىڭ اتاۋى؛

دايىنداۋشىنىڭ ءوز اۋماعىندا تۇتىنۋشىلاردان شاعىم قابىلداۋعا ۋاكىلەتتى دايىنداۋشىنىڭ اتاۋى جانە ورنالاسقان جەرى (بار بولسا)؛

نەتتو سالماعى؛

دايىنداۋشىنىڭ تاۋار بەلگىسى (بار بولسا)؛

ءونىمنىڭ قۇرامى؛

تاعامدىق قۇندىلىعى؛

ساقتاۋ شارتتارى؛

جارامدىلىق مەرزىمى نەمەسە ساقتاۋ مەرزىمى (كارامەل ءۇشىن جانە دراجە)؛

ءونىم جاسالعان جانە سايكەستەندىرىلۋى مۇمكىن قۇجاتتىڭ بەلگىلەنۋى؛

سايكەستىكتى راستاۋ تۋرالى اقپارات.

جاڭاجىلدىق ءتاتتى سىيلىقتى تاڭداعاندا، قاپتامانىڭ بەرىكتىگىنە نازار اۋدارۋ كەرەك.

مازمۇنى، كامپيتتەر مەن باسقا دا تاتتىلەر سىرتقى اسەرلەردەن جاقسى قورعالۋى كەرەك، قاپتاما مىقتاپ جابىلۋى كەرەك، مىجىلعان نەمەسە دەفورماسيالانباعان بولۋى ءتيىس.

كونديتەرلىك ونىمدەردى توڭازىتقىشتا نەمەسە قاپتامادا كورسەتىلگەن تەمپەراتۋرا رەجيمى بار بولمەدە ساقتاۋ كەرەك.

«ەگەر جۇمساق ويىنشىق سىيلاعىڭىز كەلسە، بۇل ويىنشىقتا قاتتى نەمەسە وتكىر بوگدە زاتتار بولماۋى كەرەك. جۇمساق تولتىرىلعان ويىنشىقتىڭ تىگىستەرى بەرىك بولۋى كەرەك. سونىمەن قاتار، تاڭبالاۋ تۇتىنۋشى قاپتاماسىنا نەمەسە ويىنشىقپەن بىرگە جۇرەتىن توسەمگە جازىلۋى كەرەك.

تاڭبالاۋ انىق، جاقسى كورىنەتىن، وشىرىلمەيتىن بولۋى ءتيىس جانە وندا: ويىنشىقتىڭ اتاۋى مەن جاس ەرەكشەلىگى، دايىنداۋشى كاسىپورىننىڭ اتاۋى، ونىڭ مەكەنجايى، جاسالعان كۇنى، ءقاۋىپسىز پايدالانۋ جونىندەگى ەسكەرتۋ جازبالارى بولۋى ءتيىس.

ءۇش جاسقا دەيىنگى بالالارعا ارنالعان ويىنشىقتاردى دايىنداۋ ءۇشىن شىنى مەن تۇكتى ماتەريالداردى قولدانۋعا جول بەرىلمەيدى.

ويىنشىقتاردىڭ قۇرامىندا تەز تۇتاناتىن ماتەريالدار، قاتتى نەمەسە وتكىر زاتتارى بار تولتىرعىش ماتەريالداردى (شەگە، ينە، مەتالل جوڭقالار، شىنى سىنىقتارى جانە ت. ب.) قولدانۋعا جول بەرىلمەيدى.

ويىنشىقتاردىڭ ءپىشىنى دۇرىس، بەتى تەگىس، وتكىر، كەسەتىن جيەكتەرى، بۇرالۋى جانە ويىقتارى بولماۋى كەرەك»، - دەپ حابارلادى قالالىق سانيتاريالىق-ەپيدەميولوگيالىق باقىلاۋ دەپارتامەنتى.