فەرمەر جابىرلەنۋشىنىڭ ىشىنە پىشاق سالعان
اقتوبە وبلىسى العا اۋدانى قارابۇلاق اۋىلىنىڭ اكىمى كوز جۇمدى. وقيعانىڭ قالاي بولعانىن وبلىستىق پد باسپا ءسوز قىزمەتى ايتىپ بەردى، دەپ حابارلايدى Almaty-akshamy.kz قازاقپاراتقا سىلتەمە جاساپ.
اقتوبە وبلىسى، العا اۋدانى، قارابۇلاق اۋىلىنىڭ اكىمى ەرنار ماحامبەتوۆتىڭ قازا بولعانى تۋرالى اۋىل حالقى بىلەدى.
قارابۇلاق اۋىلى اكىمدىگىنە حابارلاسقانىمىزدا، وقيعانى راستادى.
الايدا اكىمدىكتە ءمان-جايدى ايتىپ بەرەتىن مامان جوق ەكەنىن، وزدەرى دە ناقتى حابار الا الماعانىن ايتتى.
«سىزگە اقپارات بەرەتىن ادام جوق. مۇندا ەكى-اق ادام جۇمىس ىستەيدى. ءبىرى - اكىم، ەكىنشىسى - مامان. اكىمگە قاتىستى اقپاراتتى ەستىپ وتىرمىز. وقيعانىڭ ءمان-جايىن ناقتى بىلمەيمىن. جالپى، اۋىلدا نەگىزى 500 ادام تۇرادى»، - دەدى قارابۇلاق اۋىلى اكىمدىگىنىڭ وكىلى.
ال وبلىستىق دەنساۋلىق ساقتاۋ باسقارماسى اكىمنىڭ پىشاق جاراقاتىن الىپ، كوپ قان جوعالتقانىن ايتتى.
اۋداندىق اۋرۋحاناعا جەتكىزگەن كەزدە ونىڭ كوز جۇمعانى بەلگىلى بولعان.
وبلىستىق پد باسپا ءسوز قىزمەتىنىڭ حابارلاۋىنشا، وقيعا 12 جەلتوقسان ساعات 00:50-دە بولعان.
العا اۋدانى پب 102 نومىرىنە شارۋا قوجالىقتارىنىڭ بىرىندە ادام ءولىمى تىركەلگەنى تۋرالى حابار ءتۇستى.
«وقيعا ورنىنا جىبەرىلگەن جەدەل تەرگەۋ توبى شارۋا قوجالىعىنىڭ باسشىسى مەن 36 جاستاعى ەر ادام اراسىندا جانجال بولعانىن انىقتاعان. ونىڭ بارىسىندا فەرمەر جابىرلەنۋشىنىڭ ىشىنە پىشاق سالعان. وقيعا سالدارىنان 36 جاستاعى ەر ادام قايتىس بولدى. وسى فاكت بويىنشا ق ر قك 99-بابىنىڭ 1-بولىگىمەن قىلمىستىق ءىس قوزعالدى. قاجەتتى ساراپتامالار تاعايىندالدى، كۇدىكتى قاماۋعا الىندى»،- دەپ حابارلادى وبلىستىق پد باسپا ءسوز قىزمەتى.
ايتا كەتەيىك، ەرنار ماحامبەتوۆ 1986 جىلى اقتوبە وبلىسى، العا اۋدانى، قارابۇلاق اۋىلىندا دۇنيەگە كەلگەن.
ەڭبەك جولىن 2012 جىلى اقتوبە وبلىسى، مۇعالجار اۋدانى، اقكەمەر اۋىلدىق وكرۋگىنىڭ جەتەكشى مامانى بولىپ باستاعان.
2014 جىلى اقكەمەر اۋىلدىق وكرۋگى اكىمىنىڭ اپپاراتىندا بولىمشە باسشىسى مىندەتىن اتقارعان.
2019 جىلدىڭ 2 ءساۋىر ايىنان بەرى العا اۋدانى قارابۇلاق اۋىلدىق وكرۋگى اكىمى بولىپ ەڭبەك ەتتى.