ماندارين جاڭا جىل مەرەكەسىنىڭ سيمۆولى ىسپەتتەس.
سوندىقتان ونىڭ ساۋداسى جاڭا جىل قارساڭىندا قىزا تۇسەدى، دەپ حابارلايدى Almaty-akshamy.kz.
Kaz.inform.kz تاراتقان اقپاراتقا ساي، ەل اۋماقتارىندا ماندارين باعاسى ءار وڭىردە ءارقالاي بولىپ تۇر.
مەملەكەتتىك كىرىستەر كوميتەتىنىڭ مالىمەتىنشە، جۇڭگو، پاكىستان جانە تۇركيا — ەلىمىزگە ماندارين جەتكىزۋشى نەگىزگى ەلدەر.
سيترۋس پەن ەكزوتيكالىق جەمىستەردى ءبارى بۇرىننان جاقسى كورەدى جانە يمپورتتاۋ مۇمكىندىكتەرىنىڭ ارقاسىندا ءبىز ولاردى جىل بويى پايدالانا الامىز.
بيىل قاڭتار-قازان ايى ارالىعىندا رەسپۋبليكاعا قۇنى 35 607،2 مىڭ اقش دوللارىن بولاتىن 51 969،9 توننا سيترۋس جانە ەكزوتيكالىق جەمىستەر يمپورتتالدى.
بيىل 10 ايدا قۇنى 34 579،8 مىڭ اقش دوللارى بولاتىن، 51 095،4 توننا حوش ءيىستى سيترۋس جەمىستەرى اكەلىندى.
وتكەن جىلعا قاراعاندا ەلىمىزگە جەتكىزىلگەن ماندارين كولەمى ايتارلىقتاي ارتقان. سونداي-اق 12 878،0 مىڭ اقش دوللاردىڭ 15 882،5 توننا سيترۋس جەمىستەرى يمپورتتالدى.