قالا ورتالىعىندا الىپ اعاش ماشينانىڭ ۇستىنە قۇلادى
جەڭىل كولىككە قۇلاپ، ونى باسىپ قالعان اعاش ۆيدەوسى الەۋمەتتىك جەلىدە تاراپ كەتتى.
وقيعا 26 قاراشادا گوگول مەن قالداياقوۆ كوشەلەرىنىڭ قيىلىسىندا بولعان. ابىروي بولعاندا، زارداپ شەككەندەر جوق، دەپ حابارلايدى Almaty-akshamy.kz قازاقپاراتقا سىلتەمە جاساپ.
قالالىق تج دەپارتامەنتىنىڭ مالىمەتىنشە، تۇسكى ساعات 13.19-دا مەدەۋ اۋدانىنىڭ پوليسەيلەرىنەن حابارلاما تۇسكەن.
«تجد-عا مەدەۋ اۋداندىق پوليسيا باسقارماسىنان قالداياقوۆ كوشەسى، 28ء-ۇيدىڭ جانىندا «كيا RIO» ماركالى اۆتوكولىگىنە اعاش قۇلاعانى تۋرالى حابارلاما كەلىپ ءتۇستى. قازا بولعاندار مەن زارداپ شەككەندەر جوق. وقيعا ورنىنا الماتى قالاسى اكىمىنىڭ اپپاراتى، «الماتى تازالىق» ج ش س، 109 قۇتقارۋ قىزمەتىنىڭ ماماندارى دەرەۋ جۇمىلدىرىلدى. قازىرگى ۋاقىتتا جولدىڭ ءجۇرۋ بولىگىن تازارتۋ جۇمىستارى اياقتالىپ، وقيعانىڭ ءمان-جايى انىقتالىپ جاتىر،- دەپ حابارلادى ۆەدومستۆادان.