الماتى قالاسىنىڭ مەدەۋ اۋدانىندا بوس جاتقان الانعا 180 شارشى مەتر بولاتىن جاڭا بالالار جانە سپورت ايماقتارى ورنالاستىرىلدى، دەپ حابارلايدى Almaty-akshamy.kz
سازانوۆسكايا كوشەسىندەگى جەكە سەكتوردا تۇراتىن تۇرعىندار اكىمدىككە بالالار ءۇشىن ويىن الاڭىن، ال ەرەسەكتەر ءۇشىن سپورتتىق ترەناجەرلەر ورناتۋدى سۇرادى. بۇرىن بۇل جەردە جاقىن ماڭداعى ۇيلەردىڭ تۇرعىندارى اتكەنشەكتەر مەن ورىندىقتار ورناتقان بوس جەر بولعان. ۋاقىت وتە كەلە بالالار كوبەيىپ، ويىن الاڭىنا دەگەن قاجەتتىلىك ارتتى.
جوبا بيىل «حالىق قاتىساتىن بيۋدجەت» باعدارلاماسى اياسىندا جۇزەگە استى. ويىن كەشەندەرى، سپورتتىق ترەناجەرلەر، ورىندىقتار مەن ۋرنالار ورناتىلدى. كوشە بويىندا الاڭ قورشالعان.
مەدەۋ اۋدانىندا «حالىققا قاتىساتىن بيۋدجەت» باعدارلاماسى بويىنشا بيىل بارلىعى 44 جوبا قولعا الىنعان. قازىرگى تاڭدا 22-دە جۇمىس اياقتالدى، قالعانى وسى جىلدىڭ قاراشا ايىنىڭ سوڭىنا دەيىن اياقتالادى.