الماتى قالاسى المالى اۋدانىنىڭ ءتورت اۋلاسىندا اعىمداعى جوندەۋ جۇمىستارى اياقتالدى، دەپ حابارلايدى almaty-akshamy.kz
قابانباي باتىر كوشەسى، 137 اۋلاسىندا ويىن الاڭدارى مەن زاماناۋي ترەناجەرلەر ورناتىلدى.
قاراعايلار مەن بۇتالار وتىرعىزىلىپ، جاڭا ورىندىقتار قويىلدى، قازىبەك بي كوشەسى، 85 مەكەنجايىنداعى اۋلادا جارىق جۇيەسى جوندەلدى.
بۇل ۇيدە 30 جىلدان استام ۋاقىت تۇرعان اۋدان تۇرعىنى گۇلميرا دۋگاشوۆانىڭ ايتۋىنشا، ولاردىڭ اۋلاسى وزگەردى. «قالا ورتالىعىندا تۇرساق تا، اۋلادا بوس جەر بار ەدى، جاسىل جەلەكتەر جەتىسپەدى. ءقازىر ادەمى كوگال جاسالىپ، جاڭا تاماشا ويىن الاڭى پايدا بولدى. نەگىزى بۇل اعىمداعى جوندەۋ، ءبىراق مەنىڭشە، كۇردەلى جوندەۋگە ۇقسايدى. بۇل ءۇشىن كوپ راحمەت. ادامدار ءبىزدىڭ اۋلاعا تاڭ قالادى»، - دەدى اۋدان تۇرعىنى گۇلميرا.
شاگابۋتدينوۆ كوشەسى، 171 مەكەنجايىندا بالالارعا ارنالعان جاڭا شاعىن ساۋلەت نىساندارى ورناتىلدى.
بيىل المالى اۋدانىندا 33 اۋلا جوندەلدى. ءقازىر 11 مەكەنجايدا جۇمىس ءجۇرىپ جاتىر. اعىمداعى جوندەۋ بارىسىندا جىل سوڭىنا دەيىن 50 اۋلا جاڭارتىلادى.
ءار اۋلانىڭ رەكونسترۋكسياسى ءارتۇرلى. باستىسى، تۇرعىنداردىڭ تىلەگىنە باسىمدىق بەرىلەدى. مۇنىڭ بارلىعى قالا تۇرعىندارىنىڭ بوس ۋاقىتىن جايلى وتكىزۋى ءۇشىن جاسالىپ وتىر.
الماتى قالاسىندا بارلىعى 3231 اۋلا اۋماعى بار. ونىڭ 380 اۋلاسىندا جىل سوڭىنا دەيىن كۇردەلى جانە اعىمداعى جوندەۋ جۇمىستارى اياقتالادى.