قازاق ۇلتتىق اگرارلىق زەرتتەۋ ۋنيۆەرسيتەتىنىڭ بازاسىندا ەمۆا/مۆا باعدارلاماسىنىڭ رەسمي اشىلۋى وفلاين/ونلاين فورماتتا بولىپ ءوتتى. بۇل قازاقستانداعى ازىق-تۇلىك ونىمدەرىن ءوندىرۋ/قايتا وڭدەۋ، اگروبيزنەس جانە اۋىل شارۋاشىلىعى كاسىپكەرلىگى سالاسىندا بولاشاق ماماندار مەن كاسىپكەرلەردى دايارلاۋعا باعىتتالعان تۇڭعىش يننوۆاسيالىق جوبا.
EMBA/MBA باعدارلاماسىنىڭ اشىلۋ سالتاناتىنا ارنالعان كونفەرەنسياعا ق ر اشم «ۇلتتىق اگرارلىق ءعىلىمي-بىلىم بەرۋ ورتالىعى» كەاق باسقارما ءتوراعاسى دارحان بالپانوۆ (ونلاين قوسىلدى)، قازۇازۋ باسقارما توراعاسى-رەكتوردىڭ م.ا.، اكادەميك قانات تىرەۋوۆ، ەمۆا/مۆا باعدارلاماسىنىڭ نەگىزىن قالاۋشى پروفەسسور رافيس ابازوۆ، پرورەكتورلار مەن پروفەسسور-وقىتۋشىلار قۇرامى، شەتەلدىك قوناقتار – اقش-تىڭ الماتىداعى باس كونسۋلى كارولين ساۆاج حانىم، بۇۇ-نىڭ قازاقستانداعى اقپاراتتىق كەڭسەسىنىڭ ديرەكتورى ۆلاستيميل سامەك، تۇركيانىڭ الماتىداعى ەلشىلىگىنىڭ ۆيسە-كونسۋلى شەرمين تەكين جانە تاعى باسقا دا جاۋاپتى تۇلعالار قاتىسىپ، ءسوز سويلەدى.
بۇدان كەيىن «ۇلتتىق اگرارلىق ءعىلىمي-بىلىم بەرۋ ورتالىعى» كەاق باسقارما ءتوراعاسى دارحان بالپانوۆ ق ر اۋىل شارۋاشىلىعى ءمينيسترى ەربول قاراشوكەيەۆتىڭ ارنايى قۇتتىقتاۋىن جەتكىزدى. «ءبىز قازاق ۇلتتىق اگرارلىق زەرتتەۋ ۋنيۆەرسيتەتىنىڭ قازاقستاندا العاشقى بولىپ ەمۆا/مۆا باعدارلاماسىن ەنگىزۋ باستاماسىن قولدايمىز. بۇل تىڭ باعدارلاما ستۋدەنتتەرگە جوعارى ءبىلىم بەرۋمەن قاتار، عىلىمدى دامىتۋعا، بيزنەستى جانە جالپى اۋىل شارۋاشىلىعىن وركەندەتۋگە زور ىقپال ەتەتىنىنە سەنەمىز. حالىقارالىق بيزنەس-بىلىم بەرۋ نارىعىندا باسەكەگە قابىلەتتىلىكتى ارتتىرۋدى، الەمدىك تاجىريبەلەردى ەلىمىزدە تاراتۋدى باستى ماقسات تۇتاتىن يننوۆاسيالىق كوزقاراسى بار شەتەلدىك جانە وتاندىق بيزنەس-ترەنەرلەردىڭ قاتىسۋمەن جۇزەگە اسىرىلاتىن جاڭا باعدارلاماعا اق جول تىلەيمىز! – دەدى دارحان بالپانوۆ.
اقش-تىڭ الماتىداعى باس كونسۋلى كارولين ساۆاج حانىم ءوز سوزىندە اۋىل شارۋاشىلىعى جاقسى دامىعان شتاتتا تۋىپ-وسكەنىن جانە ازىق-تۇلىك ءوندىرۋ ماسەلەسىنىڭ الەمدىك دەڭگەيدەگى پروبلەما قاتارىندا قارالاتىنىن ايتا كەلىپ، قازاق ۇلتتىق اگرارلىق زەرتتەۋ ۋنيۆەرسيتەتىنىڭ ەمۆا/مۆا اياسىنداعى جاڭا باستاماسى بارشا اگروسەكتوردىڭ دامۋىنا، وسى سالادا كەلەشەكتە قىزمەت اتقاراتىن بىلىكتى مامانداردىڭ جان-جاقتى تەرەڭ ءبىلىمدى، جاقسى كادرلار بولىپ شىعۋىنا تىكەلەي جول اشاتىنىن اتاپ ءوتىپ، ساتتىلىك تىلەدى.