7 ايعا ۇزارتۋعا سانكسيا بەرۋ تۋرالى ءوتىنىشى قاناعاتتاندىرىلدى.
«الماتى سپەستەحپاركينگ سەرۆيس» ج ش س بۇرىنعى ديرەكتورى مارات پرينبەكوۆ پەن «AlanParking» ج ش س بۇرىنعى باس ديرەكتورى مۇحتار بازاربايەۆتى قاماۋدا ۇستاۋ مەرزىمى ۇزارتىلدى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«الماتى مامانداندىرىلعان اۋدانارالىق تەرگەۋ سوتىنىڭ حابارلاۋىنشا، 2022 جىلعى 14 قازاندا سوت قاۋلىسىمەن تەرگەۋ ورگاندارىنىڭ پرينبەكوۆكە قاتىستى قاماۋدا ۇستاۋ مەرزىمىن 15 قاراشاعا دەيىن 7 ايعا ۇزارتۋعا سانكسيا بەرۋ تۋرالى ءوتىنىشى قاناعاتتاندىرىلدى»، - دەپ ءمالىم ەتتى الماتى قالاسى سوتىنىڭ باسپا ءسوز قىزمەتى.
سونداي-اق، قالانىڭ مامانداندىرىلعان اۋدانارالىق تەرگەۋ سوتى 2022 جىلعى 23 قىركۇيەكتە تەرگەۋ ورگاندارىنىڭ بازاربايەۆقا قاتىستى قاماۋدا ۇستاۋ مەرزىمىن 7 ايعا، ياعني 26 قازانعا دەيىن ۇزارتۋعا سانكسيا بەرۋ تۋرالى ءوتىنىشىن قاناعاتتاندىرعان.
ايىپتالۋشىلاردى قاماۋدا ۇستاۋ مەرزىمى بۇعان دەيىن دە ۇزارتىلعان بولاتىن.
ەسكە سالساق، «Alan Parking» ج ش س ديرەكتورى مۇحتار بازاربايەۆ 14 ءساۋىر كۇنى ەكى ايعا قاماۋعا الىندى. «الماتى سپەستەحپاركينگ سەرۆيس» ج ش س ديرەكتورى مارات پرينبەكوۆ تا قاماۋدا وتىر.
25 ساۋىردە «الماتى سپەستەحپاركينگ سەرۆيس» ءجشس-نىڭ 70% مولشەرىندەگى ۇلەسىن جانە «Alan Parking» ءجشس-نىڭ 100% ۇلەسىن قالا مەنشىگىنە قايتارۋ تۋرالى ۇسىنىس ءتۇسىپ، اقىلى اۆتوتۇراقتار قالانىڭ كوممۋنالدىق مەنشىگىنە ءوز ەركىمەن قايتارىلعانى حابارلانعان.
ايتا كەتەيىك، الماتىدا اقىلى اۆتوتۇراق جۇيەسى العاش رەت 2016 جىلى ەنگىزىلدى.