جاڭا باس جوسپاردى ازىرلەۋدى باستاۋ تاريحىنا «الماتىباسجوسپار» عزي» ج ش س ءبولىم باسشىسى جانات ايتىلەۋ توقتالدى، دەپ حابارلايدى Almaty-akshamy.kz.
ونىڭ ايتۋىنشا، جاڭا باس جوسپاردى ازىرلەۋ تاريحى تەرەڭدە جاتىر.
«الماتى قالاسىنىڭ باس جوسپارىن تۇزەتۋ» قالا قۇرىلىسى جوباسىن ازىرلەۋ 2014 جىلى باستالىپ، 2016 جىلدىڭ جەلتوقسانىندا اياقتالدى. باس جوسپاردى تۇزەتۋدىڭ جوبالىق شەشىمدەرىن مەملەكەتتىك ساراپتامانىڭ ساراپتاۋ كوميسسياسى قارادى دا، كوميسسيانىڭ ەسكەرتۋلەرى بويىنشا وزگەرىستەر ەنگىزىلىپ، جيىنتىق قورىتىندى دايىندالدى. الايدا، ول كەزدە الماتى قالاسىن شاعىن سەيسميكالىق اۋداندارعا ءبولۋ كارتاسى بولعان جوق، وسىعان بايلانىستى جوسپاردى ودان ءارى كەلىسۋ جانە بەكىتۋ جۇمىستارى توقتاتىلدى.
الماتى قالاسى قالالىق جوسپارلاۋ جانە ۋربانيستيكا باسقارماسىنىڭ تاپسىرىسى بويىنشا 2020 جىلعى جەلتوقساندا الماتى قالاسىن شاعىن سەيسميكالىق اۋداندارعا ءبولۋ كارتاسى بەكىتىلگەندىكتەن، قالانىڭ باس جوسپارىن تۇزەتۋدى جانداندىرۋ قولعا الىندى.
قالانىڭ باس جوسپارىن تۇزەتۋ بويىنشا قالا قۇرىلىسىن جوبالاۋ تاجىريبەسىندە بۇرىن-سوڭدى بولماعان قوعامدىق تالقىلاۋ وتكىزىلدى: بەس ايدىڭ ىشىندە 26 تالقىلاۋ وتكىزىلدى، وعان 120-دان استام ادام قاتىستى، 510 ۇسىنىس پەن ەسكەرتۋلەر كەلىپ ءتۇستى، تالقىلاۋ قورىتىندىسى بويىنشا 127 ۇسىنىس تۇزەتۋ ماتەريالدارىنا ەنگىزىلدى.
قالانىڭ دامۋىن جوسپارلاۋعا قاتىستى شەشىمدەر قابىلداۋ كوكجيەگىن ۇزارتۋ تۋرالى ۇسىنىسقا بايلانىستى، اتاپ ايتقاندا، قالا اكىمىنىڭ قالانىڭ باس جوسپارىن ىسكە اسىرۋدىڭ جوبالىق ەسەپتىك مەرزىمىن 2030 جىلدان 2040 جىلعا اۋىستىرۋ تۋرالى شەشىمىمەن كەشەندى قالا قۇرىلىسى ساراپتاماسىن ورىنداۋدى توقتاتا تۇرۋ جانە الماتىنىڭ جاڭا باس جوسپارىن 2040 جىلعا دەيىن ازىرلەۋ تۋرالى شەشىم قابىلداندى. باس جوسپاردىڭ بۇدان بۇرىن ورىندالعان بارلىق بولىمدەرىنە وزگەرىستەر ەنگىزىلدى.
بۇل وزگەرىستەر جاڭا باس جوسپاردىڭ نەگىزىن قۇرايدى جانە قالا تىنىس-تىرشىلىگىنىڭ بارلىق سالالارىنداعى حال-احۋالدى جانە تۇرعىنداردىڭ وتىنىشتەرىن تالداۋعا نەگىزدەلگەن «الماتى قالاسىن 2025 جىلعا دەيىنگى دامىتۋ باعدارلاماسى جانە 2030 جىلعا دەيىنگى ورتا مەرزىمدى پەرسپەكتيۆالارمەن» تىعىز بايلانىستى.
باس جوسپاردىڭ نەگىزگى ماقساتى الماتىنىڭ بارلىق اۋداندارىندا جايلى قالالىق ورتا قۇرۋ جانە ءومىر ءسۇرۋ ساپاسىن ارتتىرۋ بولىپ تابىلادى.