2040 جىلعا قاراي الماتىدا تۇرعىندار سانى 3 ملن. اسا ادامعا جەتەدى دەپ بولجانۋدا. ولاردى قونىستاندىرۋ جوباسى تومەندەگىدەي بولادى:
وڭتۇستىك-باتىس جوسپارلاۋ ايماعىندا 1،3 ملن. ادام ( 44،6%)، ورتالىق جوسپارلاۋ ايماعىندا 0،5 ملن. ادام (18،1%) جانە شىعىس جوسپارلاۋ ايماعىندا 0،45 ملن. ادام (15،2%) قونىستاناتىن بولادى.
ستاتيستيكالىق باسقارمانىڭ مالىمەتىنشە، الماتى قالاسىنىڭ حالقى ەڭبەك ەتەتىن سالالاردىڭ قۇرىلىمى مىنانى كۋالاندىرادى:
2020 جىلى قالانىڭ حالىق-شارۋاشىلىق كەشەنىندە 936،5 مىڭ ادام جۇمىسپەن قامتىلدى. ونىڭ ىشىندە جۇمىسپەن قامتىلعانداردىڭ نەگىزگى ۇلەسى (37،6%) ساۋدا، تاماقتانۋ، تۇرمىستىق جانە قوناق ءۇي سەرۆيسى سالاسىنا تيەسىلى، اكىمشىلىك-ىسكەرلىك، عىلىمي جانە قارجى سەكتورلارىنىڭ مەكەمەلەرىندە 18،7%-ى، ونەركاسىپ، كولىك جانە قويما سالاسىندا 15،8%-ى جۇمىس ىستەيدى.
جۇمىسپەن قامتىلعانداردى اۋماققا ءبولۋ بويىنشا ورتالىق جوسپارلاۋ ايماعى جانە وڭتۇستىك-باتىس جوسپارلاۋ ايماقتارى كوش باستاپ تۇر – جۇمىسپەن قامتىلعانداردىڭ جالپى سانىنىڭ 36%-ى
الەۋمەتتىك-ەكونوميكالىق قىزمەت تۇرلەرى بويىنشا 2020-2040 جىلدارى جوسپارلاۋ ايماقتارى بولىنىسىندە الماتى قالاسىنىڭ حالقى ەڭبەك ەتەتىن جاڭا ورىنداردى بولجامدى ورنالاستىرۋ
2040 جىلعا دەيىنگى كەزەڭدە الماتى قالاسىنىڭ الەۋمەتتىك سەكتورىندا جۇمىسپەن قامتىلعاندار سانىن 236،3 مىڭ ادامعا ۇلعايتۋ جوسپارلانۋدا.
ونىڭ ىشىندە:
- ءبىلىم بەرۋ مەكەمەلەرىندە – 40،3%،
- تاماق ساۋداسى جانە قوناق ءۇي سەرۆيسى سالاسىندا – 24،7%
- ونەر، سپورت جانە ويىن-ساۋىق سالاسىنداعى قىزمەتتەر سالاسىندا – 20،7%
اۋماقتىق قاعيدات بويىنشا الەۋمەتتىك سالادا جۇمىسپەن قامتىلعانداردىڭ ەڭ كوپ پايىزى وڭتۇستىك-باتىس جوسپارلاۋ ايماعىندا – 99،3 مىڭ ادامعا جانە ورتالىق جوسپارلاۋ ايماعىندا - 18،2 مىڭ ادامعا نەگىزدەلەتىن بولادى.
الماتىنىڭ جاڭا باس جوسپارىن جانە پوليورتالىقتاردىڭ شەبەر-جوسپارلارىن قابىلداۋ جانە ىسكە اسىرۋ ناتيجەسىندە قالا 2030 جىلعا قاراي 180 مىڭعا جۋىق جۇمىس ورنى اشىلادى (2025 جىلعا دەيىن – 65 مىڭ)، ونىڭ ىشىندە الەۋمەتتىك سالادا جانە تىرشىلىكتى قامتاماسىز ەتۋ قىزمەتتەرىندە (دارىگەرلەر، وقىتۋشىلار، پوليسەيلەر، ءورت سوندىرۋشىلەر جانە ت.ب.) شامامەن 30%، 70% – مامانداندىرىلعان جۇمىس ورىندارى.
بۇل الماتىدا تۇراقتى ەكونوميكالىق ءوسۋ مەن الەۋمەتتىك تۇراقتىلىق ءۇشىن جاعداي جاساۋعا ءتيىس نەگىزگى فاكتورلاردىڭ ءبىرى.
سۆياتوسلاۆ مۋرۋنوۆ،
قولدانبالى ۋربانيستيكا ورتالىعىنىڭ مامانى