بۇل ماقساتتا 86،7 ملرد تەڭگە ءبولىندى.
2023 جىلى Artsport باعدارلاماسى بويىنشا 560 مىڭنان استام بالا ۇيىرمەلەرگە تەگىن قاتىسادى، دەپ حابارلايدى Almaty-akshamy.kz
مادەنيەت جانە سپورت ءمينيسترى اسحات ورالوۆ ۆەدومستۆونىڭ القا وتىرىسىندا بالالاردىڭ سپورتپەن، دەنە شىنىقتىرۋمەن تۇراقتى شۇعىلدانۋىنا ءجىتى نازار اۋدارىلاتىنىن اتاپ ءوتتى.
بۇل رەتتە، مەملەكەتتىك سپورتتىق جانە شىعارماشىلىق تاپسىرىس بويىنشا جۇمىستار جالعاسىن تابادى.
«مەملەكەتتىك سپورتتىق جانە شىعارماشىلىق تاپسىرىستى جالعاستىرۋ ماقساتىندا 2023 جىلى 560 مىڭنان استام بالا مەن ءجاسوسپىرىمدى قامتۋ ءۇشىن جەرگىلىكتى اتقارۋشى ورگانداردان 86،7 ملرد تەڭگە ءبولىندى»، – دەدى مينيستر.
بيىل 4 جاستان 17 جاسقا دەيىنگى 400 مىڭنان استام بالا مەن ءجاسوسپىرىم 13 مىڭ سپورت سەكسياسى مەن شىعارماشىلىق ۇيىرمەلەرگە تەگىن بارۋعا مۇمكىندىك الدى.