1 شىلدەدەن بەرى اكىمشىلىك ادىلەت سوتتارى اكىمدىكتەرگە 58 اقشالاي ايىپپۇل سالدى. بۇل تۋرالى ق ر جوعارعى سوتىنىڭ اكىمشىلىك ىستەر جونىندەگى سوت القاسىنىڭ ءتوراعاسى قانات مۋسين ايتىپ بەردى، دەپ حابارلايدى almaty-akshamy.kz
2021 جىلى 1 شىلدەدە قابىلدانعان اكىمشىلىك راسىمدىك-پروسەستىك كودەكستە سوت جۇيەسىنە ءبىرقاتار جاڭاشىلدىق ەنگىزىلگەن ەدى.
«اكىمشىلىك پروسەستەگى ماڭىزدى ينستيتۋت – اقشالاي ءوندىرىپ الۋ بولىپ وتىر. بۇل – بۇرىنعى زاڭنامادا بولماعان جاڭا قۇرال. اكىمشىلىك كودەكس ەنگىزىلگەنگە دەيىن سوتتار ءىستى قاراۋ بارىسىندا قۇقىقبۇزۋشىلارعا تەك ەسكەرتۋ عانا جاساي الاتىن. ەندى سۋديانىڭ قولىندا اقشالاي ءوندىرىپ الۋ سياقتى قۇرال بار. بۇل قۇرال پروسەسكە قاتىسۋشىلاردى، ونىڭ ىشىندە مەملەكەتتىك ورگانداردى دا تارتىپكە كەلتىرۋگە ىقپال ەتەدى»، - دەدى قانات مۋسين
ورتالىق كوممۋنيكاسيالار قىزمەتىندەگى باسپا ءسوز ءماسليحاتىندا. ونىڭ ايتۋىنشا، ءتورت ايدىڭ ىشىندە سۋديالار 175 اقشالاي ايىپپۇل سالعان. جالپى ايىپپۇل كولەمى 6 ملن تەڭگەنى قۇراسا، ونىڭ شامامەن 5 ملن تەڭگەسى بيۋدجەتكە ءتۇسىپ ۇلگەردى.
«اقشالاي ءوندىرىپ الۋ تۋرالى سوت شەشىمىنە شاعىمدانۋعا بولادى، ءبىراق الدىمەن بۇل ايىپپۇل تولەنۋى كەرەك. سوندىقتان ءقازىر جاۋاپكەرلەر مەن مەملەكەتتىك ورگاندار اناعۇرلىم ءتارتىپتى بولا باستادى. ويتكەنى اقشالاي ءوندىرىپ الۋ سوماسى 10 اەك-تەن باستالىپ، 100 اەك-كە دەيىن جەتەدى. بۇل ايتارلىقتاي قوماقتى اقشا»، - دەيدى قانات مۋسين.
سونىمەن بىرگە، سپيكەر اقشالاي ءوندىرىپ الۋ جاۋاپكەرشىلىگى كىمدەرگە سالىنعانىن ايتىپ بەردى.
«140 اقشالاي ايىپپۇل جاۋاپكەردىڭ تاراپىنا سالىندى. ادەتتە، بۇل اكىمشىلىك ورگاندار نەمەسە جەكە سوت ورىنداۋشىلارى. مىسالى، مەملەكەتتىك ورگاندار مەن جەرگىلىكتى اتقارۋشى ورگانداردىڭ قىزمەتكەرلەرىنە جالپى 97 اقشالاي جازا قولدانىلدى. ونىڭ ىشىندە مينيسترلىكتەردىڭ ءبىرىنىڭ كوميتەت ءتوراعاسى، ىشكى مەملەكەتتىك اۋديت دەپارتامەنتىنىڭ، مەملەكەتتىك كىرىستەر دەپارتامەنتىنىڭ، پوليسيا دەپارتامەنتىنىڭ باسشىسى جانە ت.ب. سياقتى شەنەۋنىكتەر بار. ياعني، مۇندا قاراپايىم قىزمەتكەر جوق. اكىمدىك قىزمەتكەرلەرىنە 58 اقشالاي ايىپپۇل سالىندى، ونىڭ ىشىندە 6 قالا اكىمى، بەس اۋدان اكىمى جانە ءۇش اپپارات باسشىسى بار»، - دەدى قانات مۋسين.