ەلىمىزدە پاتەر جالداۋ باعاسى قىمباتتادى

قازاقستاندا پاتەر جالداۋ قۇنى ءبىر جىلدا 18،5% وسكەن

2021 جىلدىڭ قازان ايىندا جالعا بەرىلەتىن تۇرعىن ءۇي قۇنى 2020 جىلدىڭ سايكەس كەزەڭىمەن سالىستىرعاندا رەكوردتىق 18،5 % ارتتى. ءبىر جىل بۇرىن باعانىڭ ءوسۋى 9،8 % بولدى، دەپ حابارلايدى Almaty-akshamy.kz قازاقپاراتقا سىلتەمە جاساپ.

EnergyProm زەرتتەۋ اگەنتتىگىنىڭ مالىمەتىنشە، الماتى وبلىسىندا پاتەردى جالداۋ باعاسى – 4،2%-عا، باتىس قازاقستاندا – 37،4%، الماتىدا – 35% جانە شىمكەنتتە –33،8% وسكەن. قىركۇيەكتە پاتەردى جالداۋ باعاسى 1،1% قىمباتتاعان. باعا نەگىزىنەن شىلدە ايىندا اناعۇرلىم كوتەرىلىپ، 4،2% دەيىن ارتتى. قىركۇيەكتە ەل بويىنشا جالعا بەرىلەتىن پاتەردىڭ ءبىر شارشى مەترى ورتا ەسەپپەن 1877 تەڭگە بولعان. دەگەنمەن، ءىرى قالالاردا ءبىر شارشى مەتردىڭ قۇنى 3 مىڭ تەڭگەدەن اسىپ كەتكەن.

ماسەلەن، نۇر-سۇلتاندا ءبىر شارشى مەتر – 3443 تەڭگە بولسا، الماتىدا – 3062 تەڭگە، اقتاۋدا – 2359 تەڭگە، تۇركىستاندا – 2307 تەڭگە بولعان. ەلىمىز بويىنشا تارازدا پاتەردى ارزانعا جالداۋعا بولادى، وندا جالعا بەرىلەتىن پاتەردىڭ ءبىر شارشى مەترى – 1370 تەڭگە، قىزىلوردادا – 1398 تەڭگە جانە سەمەيدە – 1452 تەڭگە.