بۇگىن مەن دە ازاماتتىق بورىشىمدى ورىنداپ، رەفەرەندۋمدا ءوز تاڭداۋىمدى جاسادىم.
ەل بولاشاعى مەن ۇرپاعىمىزدىڭ جارقىن كەلەشەگى ءۇشىن شەشىم قابىلداۋ — ءاربىرىمىزدىڭ جاۋاپكەرشىلىگىمىز. بۇل تاريحي ءسات بىزگە، حالىققا، ماڭىزدى تاڭداۋ جاساۋعا مۇمكىندىك بەرىپ وتىر.
بۇل ەلىمىزدىڭ ەنەرگەتيكالىق قاۋىپسىزدىگى مەن ەكولوگيالىق تازالىعى ءۇشىن ەرەكشە ماڭىزدى كەزەڭ.
رەفەرەندۋم — بۇل حالىقتىڭ ەركىن تاڭداۋىنىڭ كورىنىسى. سوڭعى ايلارداعى پىكىرتالاستار، عالىمداردىڭ، ەكولوگتاردىڭ، جانە اتوم سالاسىنىڭ ماماندارىنىڭ ايتقاندارى مەن پىكىرلەرىن تىڭداي كەلە، ءاربىرىمىز ءوزىمىز ءۇشىن جانە كەلەر ۇرپاق ءۇشىن شەشىم قابىلدادىق. مەن بۇل ۇدەرىس ارقىلى ەلىمىزدىڭ العا ۇمتىلىسىن، دەموكراتيالىق ۇستانىمدارىن كورىپ تۇرمىن.
ءبىزدىڭ ءار داۋىسىمىز — ەل بولاشاعى ءۇشىن، كەلەشەك ۇرپاق ءۇشىن جاسالعان ۇلەس. وسى قادامدارىمىز ارقىلى قازاقستاننىڭ بولاشاعىن، ەنەرگەتيكالىق تاۋەلسىزدىگىن، جانە حالىقتىڭ ءومىر ءسۇرۋ ساپاسىن جاقسارتۋدى كوزدەيمىز. الداعى ۋاقىتتا وسى تاڭداۋدىڭ يگىلىگىن كورىپ، ەلىمىزدە تۇراقتى دامۋدىڭ جاڭا كەزەڭى باستالادى دەپ ۇمىتتەنەمىن.