پوليسيا الماتى وبلىسىنىڭ 44 جاستاعى تۇرعىنىن ۇستادى
جامبىلدىق پوليسەيلەر جەدەل ىزدەستىرۋ ءىس-شارالارى بارىسىندا تۇتاناتىن قوسپاسى بار بوتەلكەلەردى تاراتىپ جاتقان ازاماتتى ۇستادى، دەپ حابارلايدى Almaty-akshamy.kz polisia.kz-كە سىلتەمە جاساپ.
«قاڭتار ايىنىڭ 5-ىنەن 6-سىنا قاراعان ءتۇنى ساعات 20:00 شاماسىندا تاراز قالاسىنىڭ قازىبەك بي كوشەسىندە سۇر ءتۇستى «ميتسۋبيسي دياموند» اۆتوكولىگى كەلىپ توقتايدى. كولىكتەگىلەر ونىڭ مەملەكەتتىك تىركەۋ ءنومىرىن شەشىپ الىپ، جۇكسالعىشقا سالادى. كولىك جۇرگىزۋشىسى بەس ليترلىك تۇتانعىش قوسپانى الىپ، ۇلىمەن بىرگە ونى شىنى بوتەلكەلەرگە قۇيىپ، شەرۋگە قاتىسۋشىلارعا تاراتتى»، - دەدى پوليسياداعىلار.
اتالعان دەرەككە قاتىستى قىلمىستىق كودەكستىڭ 255-بابى 4-بولىگى (تەرروريزم اكتىسى) بويىنشا سوتقا دەيىنگى تەرگەۋ امالدارى باستالدى.
جەدەل-ىزدەستىرۋ شارالارىن جۇرگىزۋ كەزىندە پوليسيا قىزمەتكەرلەرى الماتى وبلىسىنىڭ 44 جاستاعى تۇرعىنىن انىقتاپ، ۇستادى.
كۇدىكتى تەرگەۋ يزولياتورىنا قامالدى، تەرگەۋ امالدارى جۇرگىزىلۋدە.