قازاقستاننىڭ توتەنشە جاعدايلار ءمينيسترى يۋريي يلين جامبىل وبلىسىندا اسكەري قويماداعى جارىلىستان قازا تاپقان ءورت سوندىرۋشىلەردىڭ وتباسىنا قارجىلاي كومەك بەرىلەتىنىن ايتتى، دەپ حابارلايدى almaty-akshamy.kz
يۋريي يلين تولەم ءار قازا تاپقان ازاماتتىڭ زاڭدى مۇراگەرى انىقتالعاننان كەيىن تولەنەتىنىن ايتتى.
«ۇكىمەتتەن ءار وتباسىعا 10 ميلليون تەڭگەدەن اۋدارۋ تۋرالى شەشىم قابىلداندى. بەس ميلليون تەڭگە – جەرگىلىكتى بيۋدجەت ەسەبىنەن. ءبىز قىزمەتكەرلەردىڭ ءبىر كۇندىك جالاقىسىن جيناپ، اۋداردىق. توتەنشە جاعدايلار مينيسترلىگى ەسەبىنەن ەرىكتى تۇردە 5 ميلليون تەڭگەدەن بەرىلەدى. ەمگە مۇقتاج ازاماتتارعا كومەك كورسەتىلەدى. مەملەكەت تاراپىنان مىندەتتى ساقتاندىرۋى بار – قازا تاپقانداردىڭ وتباسىنا 60 ايلىق قارجىلاي قاراجات بەرىلەدى»، – دەدى يۋريي يلين.