الماتىدا كوروناۆيرۋس جۇقتىرعان 2098 ناۋقاس ەم قابىلداپ جاتىر، دەپ حابارلايدى almaty-akshamy.kz قالالىق قوعامدىق دەنساۋلىق ساقتاۋ باسقارماسىنا سىلتەمە جاساپ.
26 قىركۇيەك كۇنگى اقپارات بويىنشا، ءبىر تاۋلىكتە قالادا 485 ادام كوروناۆيرۋس جۇقتىرعان. مۇنىڭ ىشىندە سيمپتومدى، جەڭىل جانە ورتاشا دەڭگەيدەگى بەلگىلەرمەن 432، سيمپتومسىز 53 ناۋقاس تىركەلدى. بارلىق ەمدەلىپ شىققاندار – 72، كەلىپ تۇسكەنى – 121 «ينفەكسيالىق ستاسيونارلاردا 2 098 ادام بار (توسەك-ورىننىڭ جالپى سانى –5230)، ونىڭ ىشىندە 82 بالا ەمدەلۋدە»، – دەپ حابارلادى قوعامدىق دەنساۋلىق باسقارماسىنىڭ باسپا ءسوز قىزمەتى.
سونداي-اق، رەانيماسيا جانە قارقىندى تەراپيا بولىمىندە 202 ادام جاتىر. ال 39 ناۋقاس جاساندى تىنىس الۋ اپپاراتىنا قوسىلعان.
ءينۆازيۆتى ەمەس جاساندى تىنىس الۋ اپپاراتىندا 82 ادام ەم قابىلداۋدى جالعاستىرۋدا. High flow-دا 55 اپپارات جۇمىس ىستەيدى.
مەديسينالىق-سانيتاريالىق العاشقى كومەك ءموبيلدى بريگادالارىنىڭ جانە تەلەمەديسينا ورتالىعىنىڭ امبۋلاتوريالىق باقىلاۋىندا 4864 پاسيەنت بار. ونىڭ ىشىندە ىندەت بەلگىلەرى بار، ورتاشا اۋىر جاعدايدا – 4702 ناۋقاس. 162 ادامدا كوروناۆيرۋس بەلگىلەرى جوق.