قازاقستاننىڭ كابۋلداعى ەلشىسى ءالىمحان ەسەنگەلدييەۆتىڭ اۋعانستاننىڭ ۋاقىتشا ۇكىمەتىندەگى سىرتقى ىستەر ءمينيسترىنىڭ مىندەتىن اتقارۋشى ءامىر حان مۋتتاكيمەن كەزدەسۋى كەزىندە اۋعان حالقىنا ازىق-تۇلىك پەن باسقا دا گۋمانيتارلىق كومەك كورسەتۋ ماسەلەلەرى تالقىلاندى، دەپ حابارلايدى almaty-akshamy.kz قازاقستان رەسپۋبليكاسى سىرتقى ىستەر مينيسترلىگىنە سىلتەمە جاساپ.
اۋعانستاننىڭ سىرتقى ساياسي ۆەدومستۆوسىنىڭ باسشىسى قازاقستان تاراپىنا وتپەلى قيىن كەزەڭدە اۋعان حالقىنا ەلەۋلى قولداۋ كورسەتۋگە ازىرلىك بىلدىرگەنى ءۇشىن العىسىن ايتتى.
ونىڭ پىكىرىنشە، اۋعانستاننىڭ جاڭا بيلىگى بارلىق ەلدەرمەن، ءبىرىنشى كەزەكتە كورشىلەرمەن جانە وڭىردەگى مەملەكەتتەرمەن بەيبىت قارىم-قاتىناس ورناتۋعا، سونداي-اق ەل اۋماعىنان ولاردىڭ قاۋىپسىزدىگىنە قانداي دا ءبىر قاتەردىڭ تۋىنداۋىنا جول بەرمەۋگە دايىن ەكەندىگىن راستايدى.
قازاقستاننىڭ سىرتقى ساياساتىنا، سونىڭ ىشىندەگى اۋعان باعىتىنداعى ۇستانىمىنا قۇرمەتپەن قارايتىنى اتاپ ءوتىلدى.