كونە كولىكتەر كورمەسى اشىلدى

قۇندىلىعى جوعارى كونە كولىكتەر

گەرمانيانىڭ ميۋنحەن قالاسىندا كولىكتەر كورمەسى اشىلدى، دەپ حابارلايدى Almaty-akshamy.kz 24.kz-كە سىلتەمە جاساپ.

شوۋدا نەمىس الپاۋىتتارى تۇتىنۋشىلار نازارىنا وزدەرىنىڭ سوڭعى ۇلگىدەگى كولىكتەرىن ۇسىنعان. سونداي اق اۆتوشوۋدا كلاسسيكاعا اينالعان ەسكى كولىكتەردى دە تاماشالاپ ساتىپ الۋعا بولادى.

ءار ەكى جىلدا ءبىر رەت فرانكفۋرت قالاسىندا وتكىزىلەتىن اۆتوشوۋ بيىل باۆاريانىڭ ورتالىعى ميۋنحەن شاھارىندا ۇيىمداستىرىلىپ وتىر. كورمەگە نەمىس الپاۋىتتارىنىڭ سۋ جاڭا جوعارى تەحنولوگيالىق كولىكتەرىمەن قاتار، كونە كلاسسيكالىق جانە سپورتتىق كارلار دا قويىلعان.

باعزى زاماندا از تيراجبەن شىعارىلىپ، ءقازىر تەك كوللەكسيونەرلەردىڭ يەلىگىنەن كەزدەستىرىلەتىن كونە كولىكتەرگە ارنايى بۇرىش اشىلعان. كەيبىرىن ساتىپ الۋعا دا بولادى.

مىسالى، 1957 جىلعى مەرسەدەس كولىگى 1 ميلليون 150 مىڭ ەۋرو تۇرادى. قىمبات، ءبىراق ساپاسى ءمىنسىز دەيدى ماماندار. 

«ءقازىر كولىكتەردە پلاستيكتەن جاسالعان بولشەكتەر كوپ. ال ول كەزدەردە بۇل ماتەريال از بولعاندىقتان، سيرەك پايدالانىلدى. سوندىقتان ونى كولىكتە قولدانۋ ناعىز شەبەرلىك بولدى. ونىڭ ۇستىنە مۇنداي تۇلپارلار ارنايى تاپسىرىسپەن جاسالاتىن. كونە كولىكتەر وسىنىسىمەن قۇندى»، - دەدى Motorworld كورمەسىنىڭ باس ديرەكتورى اندرەاس ديۋنكەل.