جامبىلداعى جارىلىس: ەلىمىزدىڭ بارلىق مەشىتىندە قۇران حاتىم باعىشتالادى

ەرتەڭ باس ءمۇفتيدىڭ باستاماسىمەن ەلىمىزدىڭ بارلىق مەشىتتەرىندە قۇران حاتىم ءتۇسىرىلىپ، دۇعا جاسالادى.

جامبىل وبلىسىنىڭ بايزاق اۋدانىندا وق-دارىلەر قويماسىنداعى ءورت پەن جارىلىستاردىڭ سالدارىنان ادامداردىڭ قازاعا ۇشىراۋى – ەلىمىزدىڭ باسىنا تۇسكەن اۋىر سىناق، بارشا قازاق ەلىنىڭ قابىرعاسىن قايىستىرعانىن جازدى muftyat.kz، دەپ حابارلايدى Almaty-akshamy.kz.

29 تامىز، جەكسەنبى كۇنى، تاڭعى ساعات 10:00-دە ەلىمىزدىڭ بارلىق مەشىتتەرىندە جامبىل وبلىسىنىڭ بايزاق اۋدانىندا وق-دارىلەر قويماسىنداعى ءورت پەن جارىلىستاردىڭ سالدارىنان ادامداردىڭ قازاعا ۇشىراۋىنا بايلانىستى ولاردىڭ رۋحىنا باعىشتالىپ قۇران حاتىم دۇعاسى وقىلادى.

الماتى قالاسىنىڭ باس يمامى تولەبي قاجى وسپان قايعىلى جاعدايعا بايلانىستى الماتى قالاسى يمامدارى جانە جاماعاتى اتىنان كوڭىل ايتتتى. 
«اپاتتان قازا بولعان ازاماتتاردىڭ جانۇياسىنا، جاقىندارىنا كوركەم سابىر مەن اماندىق تىلەيمىز. اللا تاعالا زارداپ شەككەن جانداردىڭ تەز ساۋىعىپ كەتۋىن ءناسىپ ەتكەي. بۇل تۇتاس قازاق ەلىنە ورتاق قايعى.
ەرتەڭ باس ءمۇفتيدىڭ باستاماسىمەن ەلىمىزدىڭ بارلىق مەشىتتەرىندە قۇران حاتىم ءتۇسىرىلىپ، دۇعا جاسالماق. ءبىز دە دۇعادامىز. جاراتقان يەم ەلىمىزدى ءتۇرلى اپاتتاردان ساقتاسىن!
يبراھيم پايعامبار (ع.س.): «ۋا، راببىم! بۇل جەردى ءقاۋىپسىز، بەيبىت شاھار قىلعايسىڭ!»، - دەپ مەككە شاھارىنا جاساعان باتاسىنداي قۇت مەكەن قازاق ەلى مەڭگىلىك جەرۇيىق بولعاي! اللا تاعالا ەلىمىزگە اماندىق، جەرىمىزگە تىنىشتىق بەرسىن. ءاۋمين»، - دەپ جازدى الماتى قالاسىنىڭ باس يمامى الماتى ورتالىق مەشىتىنىڭ الەۋمەتتىك پاراقشاسىندا.

ەسكە سالساق، ادام ولىمىنە اكەپ سوقتىرعان قايعىلى وقيعاعا بايلانىستى ق ر پرەزيدەنتى قاسىم-جومارت توقايەۆ 29 تامىزدى جالپىۇلتتىق ازا تۇتۋ كۇنى دەپ جاريالادى.