دەنى ساۋ، ەگىلگەن ەرەسەكتەر بالالار اۋىرماۋى ءۇشىن ۇجىمدىق يممۋنيتەتتى قامتاماسىز ەتە الادى.
الماتى قالاسىنىڭ باس سانيتارلىق دارىگەرى جانداربەك بەكشين وڭىرلىك كوممۋنيكاسيالار قىزمەتىنىڭ بريفينگىندە بالالار اراسىندا COVID-19 اۋرۋى تۋرالى ايتتى، دەپ حابارلايدى Almaty-akshamy.kz
«تامىزدا 39 200 كۆي اۋرۋى تىركەلدى، بۇل جىل باسىنان بەرى 121 200 جاعدايدىڭ 32% قۇرايدى. 23 تامىزدان باستاپ اۋرۋدىڭ كۇندەلىكتى ءوسۋى 1،1% دەڭگەيىندە قالىپ وتىر، بۇل قوعامدا ينفەكسيانىڭ ءالى دە جوعارى تارالۋىن كورسەتەدى. سيمپتومدى ناۋقاستاردىڭ ۇلەس سالماعىنىڭ ءوسۋى 95 پايىز دەڭگەيىندە قالۋدا»،- دەپ حابارلادى الماتى قالاسىنىڭ باس سانيتارلىق دارىگەرى.
«27 تامىزداعى جاعداي بويىنشا، ۆاكسينالاۋدىڭ تولىق كۋرسىنان كەيىن الماتى تۇرعىندارىنىڭ يممۋندىق قاباتى حالىقتىڭ رەسمي سانىنان 42% قۇرادى»، - دەدى ج. بەكشين.
ۆاكسينالاۋ وتە قاجەت، ويتكەنى كوبىنەسە 20 جاستان 39 جاسقا دەيىنگى تۇرعىندار كوروناۆيرۋس جۇقتىرادى - 33،5%، 40-59 جاس ارالىعىندا - 25،2% جانە 60 جاستان اسقان - 23،1%. بالالار مەن جاسوسپىرىمدەر 18% جاعدايدا. بيىل 9 مىڭعا جۋىق ستۋدەنت كوروناۆيرۋس جۇقتىردى.
ج.بەكشين جاڭا وقۋ جىلىنىڭ وفلاين فورماتتا باستالۋىمەن مەكتەپ وقۋشىلارى اراسىندا سىرقاتتانۋدىڭ ۇلعايۋى كۇتىلەتىنىن ايتتى.
سانيتارلىق-ەپيدەميولوگيالىق ۆەدومستۆو باسشىسى ەپيدەميولوگيالىق زەرتتەۋلەردىڭ ناتيجەلەرى بويىنشا ناۋقاستاردى جۇقتىرۋدىڭ نەگىزگى ورىندارى ساۋدا وبەكتىلەرى - 32%، وتباسىلارمەن بايلانىس - 16%، قوعامدىق كولىكتەر - 17،1%، بازارلار - 13% ەكەنىن اتاپ ءوتتى.
«حالىق اراسىندا ينفەكسيانىڭ كوبەيۋ سەبەپتەرى كەلەسى فاكتورلار بولىپ تابىلادى: حالىقتىڭ جەكە قاۋىپسىزدىگى شارالارىنىڭ تومەندەۋى؛ قوعامدىق ورىنداردا جانە كولىكتە ماسكا رەجيمىن ساقتاماۋ. قالا تۇرعىندارى تىيىم سالىنعانىنا قاراماستان، قوعامدىق تاماقتاندىرۋ، قالا ماڭىنداعى اۋداندار مەن جالعا الىنعان كوتتەدجدەردە وتباسىلىق ءىس-شارالاردى، تويلاردى، مەرەيتويلاردى وتكىزۋدى جالعاستىرۋدا. كوبىنەسە كافەلەر، مەيرامحانالار، تۇنگى كلۋبتار سياقتى قوعامدىق ورىندارعا بەلسەندى باراتىن جانە ۆاكسينا العىسى كەلمەيتىن، ماسكا رەجيمىن ساقتايتىن جاستار ءجيى جۇقتىرادى. ينفەكسيا يندەكسىنىڭ ءوسۋى ەرەسەكتەردىڭ كىناسى، ولار وتباسىلارعا ينفەكسيا اكەلەدى»، - دەدى ج. بەكشين.
وقۋ جىلى باستالار قارساڭدا الماتى قالاسىنىڭ باس سانيتارلىق دارىگەرى الماتىلىقتاردى تەزىرەك ەكپە الۋعا، قوعامدىق ورىندار مەن كولىكتەردە بەتپەردە رەجيمىن ساقتاۋعا شاقىردى. ول قالا تۇرعىندارىن ادامدار كوپ جينالاتىن وبەكتىلەرگە بارماۋعا شاقىردى.