وتاردا الىمجەتتىك كورگەن 19 جاستاعى مەرزىمدى سارباز نۇرجىگىت ءابدىپاتتا ەسىن جيىپ، وزىنە كەلدى، دەپ حابارلايدى aqshamnews.kz
قۋانىشتى جاڭالىقتى ساربازدىڭ اكەسى تيمۋر جانالين حابارلادى.
بۇعان دەيىن حالىققا جاريا ەتۋگە باتىلىمىز جەتپەدى. ءبىز ءۇشىن قيىن ساتتە جانىمىزدا بولىپ، قولداۋ بىلدىرگەن، دۇعادا بولعان ادامدار ءۇشىن جاقسى جاڭالىعىمىزدى بولىسكىمىز كەلىپ وتىر. سىزدەردىڭ دۇعالارىڭىز ءبىز ءۇشىن ۇلكەن كومەك بولدى. كوپ نارسە ايتۋعا بولادى، ءبىراق ءبىزدىڭ ەموسيامىزدى ۆيدەودان-اق كورسەڭىزدەر بولادى، - دەيدى تيمۋر جانالين.
ەسكە سالايىق، جامبىل وبلىسىندا اسكەري بورىشىن وتەپ جاتقان سارباز الىمجەتتىك قۇربانى بولىپ، ماۋسىم ايىندا كوماعا تۇسكەن ەدى. قۇقىق قورعاۋ ورگاندارى قىلمىستىقتىق كودەكستىڭ 451-بابى 1ء-بولىمى بويىنشا قىلمىستىق ءىس قوزعادى.