جارىلىس جۇمىستارى 25 قاراشاعا دەيىن اياقتالادى دەپ جوسپارلانىپ وتىر
وتكەن جىلدىڭ تامىز ايىندا جارىلىس بولعان جامبىل وبلىسىنىڭ بايزاق اۋدانىنداعى اسكەري ءبولىمنىڭ اۋماعىنان وق-دارىلەردى جويۋ جۇمىستارى قايتا جانداندى، دەپ حابارلايدى Almaty-akshamy.kz "حابار 24" تەلەارناسىنا سىلتەمە جاساپ.
تەلەارنا مالىمەتىنشە، ماماندار قاينار اۋىلىنان 12 شاقىرىم جەردەگى ەلسىز تاۋلى ايماقتا جارىلىس جاساپ جاتىر. دۇيسەنبىدەن جۇماعا دەيىن ساپەرلار 720 مينانى جويادى. جارىلىس جۇمىستارى 25 قاراشاعا دەيىن اياقتالادى دەپ جوسپارلانىپ وتىر.
وسىعان دەيىن 500 كەلىگە جۋىق ءوق-دارى جويىلعان. جارىلىس بولاتىن جەردى وبلىس اكىمدىگى بەرگەن. ماماندار اپتا سايىن جەرگىلىكتى تۇرعىندارعا ءتۇسىندىرۋ جۇمىستارىن جۇرگىزىپ، جارىلىستاردان قورىقپاۋعا جانە تۇسىنىستىكپەن قاراۋعا شاقىرادى.
جارىلىس جۇمىستارى كەزىندە بارلىق قاجەتتى قاۋىپسىزدىك شارالارى ساقتالادى.
ەسكە سالايىق، 2021 جىل 26 تامىزدا جامبىل وبلىسى بايزاق اۋدانىندا ورنالاسقان اسكەري بولىمدە ساعات 19.00 شاماسىندا قويمالاردىڭ ءبىرىنىڭ ماڭىنان ءورت شىقتى. ءورت سالدارىنان انىقتالماعان زاتتار جارىلدى.
مەملەكەت باسشىسى قاسىم-جومارت توقايەۆ 29 تامىزدى جالپىۇلتتىق ازا تۇتۋ كۇنى دەپ جاريالاعان بولاتىن. كەيىن پرەزيدەنت قازا تاپقانداردى ماراپاتتادى.