جامبىل وبلىسىنداعى قورداي اۋدانى ەندى ليمون اعاشىنىڭ ورتالىعىنا اينالۋى مۇمكىن.
ويتكەنى اتالعان اۋدانداعى بەتقاينار اۋىلىندا العاش رەت سيترۋستىق جەمىس – ليمون وسىرىلە باستادى. تاجىريبەلى باعباندار بارا الماعان باتىل قادامدى كوللەدج ستۋدەنتتەرى جاسادى، دەپ حابارلايدى Almaty-akshamy.kz.
ولار 47 ءتۇپ تروپيكالىق جەمىستى جەرسىندىرۋدى قورىقپاي قولعا العان. ولار مۇنى اگرو سالاعا ۇلەس قوساتىن ستارتاپ جوبامىز دەپ وتىر. ءار ءتۇپ اعاش 30 كەلىدەي ليمون بەرگەن. ازىرگە ماۋەلى ب ا ق جىلىجايدا جايقالىپ تۇر. افريكا مەن ازيانىڭ ىستىق جەرلەرىندە وسەتىن ليمون جىل ون ەكى اي ءونىم بەرەدى. جاستار جاعى 300 شارشى مەتر جىلىجايدى سالۋعا 2 ميلليون تەڭگەگە جۋىق قارجى جۇمساپتى. ەندى ستۋدەنتتەر ەكزوتيكالىق جەمىستەردى ساتىپ، وقۋ ورداسىنىڭ كەرەگىنە جاراتۋدى جوسپارلاپ وتىر.
«بۇل ليموندار ادام دەنساۋلىعىنا پايدالى. اپتاسىنا 2-3 رەت كەلەمىز، توپىراعىن سورتتايمىز. جىلىجايىمىز بۇدان بىلاي وسە بەرەدى جانە بۇدان دا باسقا بانان بولسىن، قازاقستاندا جوق جەمىستەردى وسىرەتىن بولامىز»، - دەيدى ستۋدەنت سارا ەسەنعالي.