الماتىدا ەرتە دياگنوستيكانىڭ كومەگىمەن اپاتتى اعاشتاردىڭ سانىن قىسقارتۋعا نيەتتى

الماتىدا اعاشتاردىڭ جاعدايىن زاماناۋي تەحنولوگيالاردىڭ كومەگىمەن تەكسەرەتىن بولادى.

مەگاپوليس - شىرىگەن جانە كەپكەن اعاشتاردى انىقتاۋ ءۇشىن رەزيستوگرافتار مەن يمپۋلستىك توموگرافتاردى ساتىپ العان قازاقستانداعى العاشقى قالا، دپ حابارلايدى Almaty-akshamy.kz.

ەكولوگ بولات امىرعالييەۆ اتاپ وتكەندەي، نەمىس جابدىقتارى تامىر جۇيەسىندە جانە اعاشتىڭ باسقا بولىكتەرىندە يمپۋلستاردىڭ كومەگىمەن شىرىگەن جەردىڭ بار-جوعىن كورۋگە مۇمكىندىك بەرەدى. وسىلايشا، جەدەل تۇردە جاسىل جەلەكتەردىڭ زاقىمدانۋى تۋرالى قورىتىندى الۋعا جانە قالا ءۇشىن ءقاۋىپتى ازايتۋعا بولادى. الماتىدا وسى ماقساتتار ءۇشىن بارلىعى 8 رەزيستوگراف جانە 2 ءيمپۋلستى توموگراف ساتىپ الىندى.

«قازاقستاندا العاش رەت ءبىز جەدەل شەشىمدەر قابىلداۋ جانە اعاشتاردىڭ جاعدايىن تەكسەرۋ ءۇشىن زاماناۋي تەحنولوگيالاردى پايدالانا الامىز. بۇگىن ءبىز ولاردى باۋم توعايى مەن باسقا دا قالا ساياباقتارىن زەرتتەۋ ءۇشىن پايدالانۋدى جوسپارلاپ وتىرمىز. قۇرىلعى سول جەردە اپاتتى جانە ەسكى اعاشتاردى انىقتاۋعا كومەكتەسەدى»، - دەپ ءتۇسىندىردى ەكولوگ بولات امىرعالييەۆ.

بيىل  قالا تۇرعىندارى مەن ولاردىڭ مۇلىكتەرىنىڭ  قاۋىپسىزدىگى ءۇشىن وزەگى  مەن تامىر جۇيەسى شىرىگەن  17 مىڭعا جۋىق اعاش  كەسىلگەنىن ەسكە سالامىز.  ىقتيمال ءقاۋىپتى اعاشتاردى انىقتاۋ پروسەسىندە عىلىمي ينستيتۋتتار عالىمدارىنىڭ قاتىسۋىمەن مۇقيات تالداۋ جۇرگىزىلەدى.