جامبىل وبلىسىندا جارىلىستان زاقىمدالعان الەۋمەتتىك نىساندار جاڭارتىلادى

بەردىبەك ساپاربايەۆ جارىلىستان زاقىم كەلگەن الەۋمەتتىك نىسانداردىڭ جاعدايى تۋرالى مالىمەت بەردى.

جامبىل وبلىسىنىڭ بايزاق اۋدانىنداعى جارىلىس سالدارىنان 3 مەكتەپكە زاقىم كەلگەن. بۇل تۋرالى جامبىل وبلىسىنىڭ اكىمى بەردىبەك ساپاربايەۆ ب ا ق وكىلدەرىنە بەرگەن سۇحباتىندا ايتتى، دەپ حابارلايدى جامبىل وبلىسىندا جارىلىستان زاقىمدالعان مەكتەپتىڭ ورنىنا جاڭا مەكتەپ سالىنادى، دەپ حابارلايدى Almaty-akshamy.

ب ا ق وكىلدەرىنە بەرگەن سۇحباتىندا ايماق باسشىسى بەردىبەك ساپاربايەۆ جارىلىستان زاقىم كەلگەن الەۋمەتتىك نىسانداردىڭ جاعدايى تۋرالى مالىمەت بەردى.

«الەۋمەتتىك نىساندارعا قاتىستى توقتالساق، 3 مەكتەپكە زاقىم كەلگەن. اسىرەسە، قاتتى زارداپ شەككەنى – جىبەك جولى اۋىلىنداعى ءبىلىم ورداسى. 118 بالا وقيتىن ءبىلىم مەكەمەسىنىڭ ىرگەسى 1956 جىلى قالانعان. ەسكى مەكتەپتىڭ ورنىنا جاڭا عيمارات سالۋ كەرەك دەگەن شەشىم قابىلداندى. اۋىل حالقىنىڭ سانى ءوسىپ جاتقانىن ەسكەرە وتىرىپ، ۇكىمەتكە 150 ورىندىق جاڭا مەكتەپتىڭ قۇرىلىسى بويىنشا ۇسىنىس جولدايمىز. جاڭا مەكتەپتىڭ ورنى بەلگىلەندى، قۇجاتتارى بارىنشا قىسقا ۋاقىتتا دايىندالادى. جەڭىل زاقىمدالعان ءۇشبۇلاق پەن بازارباي اۋىلدارىنداعى مەكتەپتەر دەمەۋشىلەردىڭ ەسەبىنەن قالىپقا كەلتىرىلىپ جاتىر. ولار ءبىرىنشى قىركۇيەككە دەيىن دايىن بولادى. ءدال سونداي جەڭىل زاقىم كەلگەن مەديسينالىق پۋنكت تە ءبىر اپتا ىشىندە تولىعىمەن جوندەلەدى»، - دەدى بەردىبەكساپاربايەۆ.