بارلىق جۇمىستارعا ۇكىمەت تاراپىنان قارالاتىن جانە جەرگىلىكتى بيۋدجەتتەن قوسىمشا بولىنەتىن قاراجات جۇمسالادى.
جامبىل وبلىسىنىڭ اكىمى بەردىبەك ساپاربايەۆ بايزاق اۋدانىنداعى جارىلىس سالدارىنان بۇلىنگەن ۇيلەردىڭ قاشان قالپىنا كەلتىرىلەتىنىن ايتتى، دەپ حابارلايدى Almaty-akshamy.kz قازاقپارات-قا سىلتەمە جاساپ.
جامبىل وبلىسىنىڭ بايزاق اۋدانىنداعى جاعدايعا بايلانىستى قۇرىلعان وبلىستىق جەدەل شتابتىڭ مۇشەلەرى ارنايى ماماندارمەن بىرگە اپاتتان زارداپ شەككەن 3 ەلدى مەكەندەگى تۇرعىن ۇيلەر مەن الەۋمەتتىك نىسانداردىڭ احۋالىن زەرتتەۋدە. وبلىس اكىمى بەردىبەك ساپاربايەۆتىڭ ب ا ق وكىلدەرىنە بەرگەن مالىمەتى بويىنشا، ازىرگە جوندەۋدى قاجەت ەتەتىن 118 جىلجىمايتىن مۇلىك انىقتالعان. ونىڭ 106-سى - تۇرعىن ءۇي، 12ء-سى - كوممەرسيالىق نىسان. جوندەۋدى قاجەت ەتەدى دەلىنگەن 106 ءۇيدىڭ 35-ىنە كۇردەلى جوندەۋ تاعايىندالىپ وتىر. وبلىستىق جەدەل شتاب قالعان 71 ءۇيدى جەڭىل زاقىمدالدى دەپ تانىعان. «ولار دا قالپىنا كەلتىرىلەدى. بارلىق جۇمىستارعا ۇكىمەت تاراپىنان قارالاتىن جانە جەرگىلىكتى بيۋدجەتتەن قوسىمشا بولىنەتىن قاراجات جۇمسالادى. وڭىردەگى دەمەۋشىلەر دە قارجىلاي كومەك كورسەتەدى. بۇگىن ءبىر ءۇيدىڭ كۇردەلى جوندەۋ جۇمىستارى باستالدى.قالعان ۇيلەردە قۇرىلىسشىلار ەرتەڭنەن باستاپ ىسكە كىرىسەدى. ەكى ايدىڭ ىشىندە بارلىق ۇيلەردى قالپىنا كەلتىرەمىز دەپ وزىمىزگە مىندەتتەمە الىپ وتىرمىز. وعان ءبىزدىڭ مۇمكىندىگىمىز دە، قۇرىلىسشىلار كۇشى دە جەتكىلىكتى»،-دەدى وبلىس اكىمى. ەسكە سالساق، مەملەكەت باسشىسى قاسىم-جومارت توقايەۆتىڭ تاپسىرماسىن ورىنداۋ اياسىندا ق ر پرەمەر-مينيسترى اسقار ءماميننىڭ وكىمىمەن 26 تامىزدا جامبىل وبلىسىنىڭ بايزاق اۋدانىنداعى ءوق-دارى قويماسىندا ورىن العان ءورت پەن جارىلىس سالدارىن جويۋ جونىندەگى ۇكىمەتتىك كوميسسيا قۇرىلدى. ق ر پرەمەر-مينيسترىنىڭ ورىنباسارى رومان سكلياردىڭ توراعالىعىمەن كوميسسيا قۇرامىنا جامبىل وبلىسىنىڭ اكىمى بەردىبەك ساپاربايەۆ، قورعانىس ءمينيسترى نۇرلان ەرمەكبايەۆ، توتەنشە جاعدايلار ءمينيسترى يۋريي يلين، ىشكى ىستەر ءمينيسترىنىڭ ورىنباسارى مۇرات بايمۇقاشيەۆ، ەڭبەك جانە حالىقتى الەۋمەتتىك قورعاۋ، دەنساۋلىق ساقتاۋ، يندۋستريا جانە ينفراقۇرىلىمدىق دامۋ جانە باسقا دا ورتالىق مەملەكەتتىك ورگانداردىڭ ۆيسە-مينيسترلەرى كىردى. كوميسسيا الدىنا زالالدى باعالاۋ جانە ءورت پەن جارىلىس سالدارىن جويۋ، زاقىمدالعان ينفراقۇرىلىمدى قالپىنا كەلتىرۋ، سونداي-اق زارداپ شەككەندەرگە الەۋمەتتىك قولداۋ شارالارىن كورسەتۋ بويىنشا مىندەتتەر قويىلىپ وتىر.