تاراز قالاسىنىڭ اكىمشىلىك قۇقىقبۇزۋشىلىق جونىندەگى مامانداندىرىلعان سوتى 12 وقۋشىنىڭ تاماقتان ۋلانۋىنا قاتىستى ءىستى قاراپ، جەكە كاسىپكەرگە ايىپپۇل سالدى، - دەپ حابارلايدى اqshamnews.kz ءتىلشىسى.
وقيعا بىلتىر قاراشادا بايزاق اۋدانىندا بولعان: دۇكەننەن بۋرگەر العان 12 وقۋشى ۋلانۋ بەلگىلەرىمەن اۋرۋحاناعا تۇسكەن. جوسپاردان تىس تەكسەرۋ كەزىندە تاعام ۇلگىلەرىنەن ىشەك تاياقشالارى توبىنىڭ باكتەريالارى انىقتالىپ، ءونىمدى دايىنداۋدا سانيتارلىق تالاپتاردىڭ بۇزىلعانى بەلگىلى بولدى.
سوتتا كاسىپكەر كىناسىن ءىشىنارا مويىنداپ، "ءبىر مەزەتتە 12 بالا ۋلانۋى مۇمكىن ەمەس" دەپ ءۋاج ايتقان. ونىڭ سوزىنشە، دۇكەنگە كۇنىنە ءۇش بۋرگەر عانا جەتكىزىلەدى.
دەگەنمەن سوت جەكە كاسىپكەردى اقبتك-نىڭ 425-بابى 2-بولىگى بويىنشا كىنالى دەپ تانىپ، 1،2 ملن تەڭگە ايىپپۇل تاعايىندادى. ايىپپۇل كولەمى 30%-عا قىسقارتىلدى. كاسىپكەردىڭ قاراماعىندا 9 قىزمەتكەر بارىن ەسكەرگەن سوت دۇكەن قىزمەتىن توقتاتپاۋ تۋرالى شەشىم قابىلداعان.
سوت قاۋلىسى زاڭدى كۇشىنە ەندى.