جاپونيانىڭ ۆاكاياما پرەفەكتۋراسىنداعى كيسي ستانسياسىندا "ءونتاما" ەسىمدى الا مىسىق ۆوكزالدىڭ تولىققاندى "باستىعى" بولىپ تاعايىندالدى، دەپ حابارلايدى Aqshamnews.kz ءتىلشىسى.
رەسمي دەرەككە سايكەس، جاڭا "ستانسيا باستىعىن" 7 قاڭتاردا سالتاناتتى تۇردە تانىستىرعان. تاعايىنداۋ تۋرالى اقپارات ۆوكزالدىڭ رەسمي سايتىندا جاريالانعان. مىسىققا جاڭا مارتەبەسى جازىلعان ارنايى مەدالون تابىستالىپ، ول قارعىباۋىنا تاعىلعان.
ءونتاما بۇل قىزمەتتە نيتاما ەسىمدى مىسىقتى الماستىردى. بۇرىنعى ستانسيا "باستىعى" بىلتىر قاراشادا قايتىس بولعان. ەندى ءونتامانىڭ مىندەتىنە جولاۋشىلاردى قارسى الۋ، ءتۇرلى ءىس-شارالارعا قاتىسۋ جانە ستانسياداعى كوڭىل كۇيدى كوتەرۋ كىرەدى. سونداي-اق وعان ەكى "ورىنباسار" تانىستىرىلىپ، ولار تاعىلىمدامادان وتەتىنى ايتىلدى.
ايتا كەتەيىك، كيسي ستانسياسىندا مىسىقتى "باستىق" ەتۋ ءداستۇرى 2007 جىلى تامa اتتى مىسىقتان باستالعان. ول ايماققا تۋريستەردى تارتىپ، شاعىن تەمىرجول تارماعىن قايتا جانداندىرۋعا ىقپال ەتكەنى حابارلانعان.