جامبىلداعى جارىلىس كەزىندە جاراقاتتانعان اسكەري قىزمەتشى قايتىس بولدى
وق-دارىلەردى ساقتاۋ ءبولىمىنىڭ باسشىسى قىزمەتىن اتقارعان اسكەري قىزمەتشى اۋرۋحانادا جان تاپسىردى. رەسمي اقپارات Gov.kz جاريالانعان، دەپ حابارلايدى almaty-akshamy.kz.
قورعانىس مينيسترلىگىنىڭ رەسمي حابارلاماسى بويىنشا، 7 قىركۇيەكتە تاراز قالالىق اۋرۋحاناسىندا 26 تامىزدا جامبىل وبلىسىنداعى وق-دارىلەر قويماسىندا بولعان ءورتتى ءسوندىرۋ كەزىندە العان جاراقاتتارىنىڭ سالدارىنان 28349 اسكەري ءبولىمىنىڭ اسكەري قىزمەتشىسى 1983 جىلى تۋعان، كاپيتان ەرلان رىسقۇلبەك ۇلى قىرعىزالييەۆ قايتىس بولدى.
ول وق-دارىلەردى ساقتاۋ ءبولىمىنىڭ باستىعى لاۋازىمىن اتقارعان بولاتىن. قويماداعى ءورتتى جويۋعا كىرىسكەن العاشقىلاردىڭ ءبىرى بولدى.
«قورعانىس مينيسترلىگى مارقۇمنىڭ تۋىستارى مەن جاقىندارىنا قايعىرىپ كوڭىل ايتادى»، - دەلىنگەن حابارلامادا.
جامبىل وبلىسىندا بولعان جارىلىس سالدارىنان قازا بولعاندار سانى 16-عا جەتتى. تاعى ءبىر ادام ىزدەستىرىلىپ جاتىر.