جامبىل اتىنداعى قازاق مەملەكەتتىك اكادەميالىق فيلارمونياسى 2024 جىلعى 89-شى جاڭا ماۋسىمنىڭ اشىلۋىنا وراي كونسەرتتىك باعدارلامالار ءتىزىمىن ۇسىنادى، دەپ حابارلايدى aqshamnews.kz.
2024 جىلدىڭ 15 قىركۇيەك كۇنى ساعات 18:00-دە جامبىل اتىنداعى قازاق مەملەكەتتىك اكادەميالىق فيلارمونياسىنىڭ ۇلكەن زالىندا جاڭا ماۋسىمنىڭ رەسمي تۇردە اشىلۋى كونسەرتى وتەتىنىن حابارلايمىز! كەشتە فيلارمونيانىڭ جەتەكشى سوليستەرى ونەر كورسەتىپ، تىڭدارمانعا ۇمىتىلماس مۋزىكالىق اسەر سىيلايتىن بولادى. ونەر كورسەتەتىن فيلارمونيا سوليستەرى: قازاقستاننىڭ ەڭبەك سىڭىرگەن ءارتىسى، «پاراسات» جانە «قۇرمەت» وردەندەرىنىڭ كاۆالەرى - عابيت نەسىپبايەۆ (ورگان)، ق ر ەڭبەك سىڭىرگەن قايراتكەرى، كومپوزيتور - گۇلجان وزەنبايەۆا (فورتەپيانو)، ق ر ەڭبەك سىڭىرگەن قايراتكەرى - ايدا ايۋپوۆا (سكريپكا)، ق ر مادەنيەت قايراتكەرى - ەرجان الىمبەتوۆ (دومبىرا)، مادەنيەت سالاسىنىڭ ۇزدىگى - ماقپال قازىبەك قىزى (ءداستۇرلى ءانشى)، مادەنيەت سالاسىنىڭ ۇزدىگى - گۇلنارا قۇرامبايەۆا (فورتەپيانو)، حالىقارالىق بايقاۋلاردىڭ لاۋرەاتتارى – ەركەبۇلان ساپاربايەۆ (سكريپكا)، دينارا بازاربايەۆا – ساحامان (سكريپكا)، مايا سەپپ (فورتەپيانو)، مۇسا كەرىمبايەۆ (ۆيولونچەل)، جانقوجا اياپوۆ (ءداستۇرلى ءانشى)، ءبىرجان ءبازىلجان (ءداستۇرلى ءانشى)، ءادىل نەسىپبايەۆ (ورگان، فورتەپيانو)، ەرمەك قۇرمانايەۆ (ۆيولونچەل).
جاڭا كونسەرتتىك ماۋسىم شىمىلدىعىنىڭ اشىلۋ كەشىنە سىزدەردى دە قۋانا شاقىرامىز!
2024 جىلدىڭ 21 قىركۇيەك كۇنى ساعات 18.00-دە جامبىل اتىنداعى قازاق مەملەكەتتىك اكادەميالىق فيلارمونياسىنىڭ ۇلكەن زالىندا «باح، ەگو پرەدشەستۆەننيكي ي سوۆرەمەننيكي» د.بۋكستەحۋدە – ي.س.باح اتتى ورگان مۋزىكالىق كونسەرتتىك ماۋسىمىنىڭ اشىلۋى وتەتىنىن قۋانا حابارلايمىز! اشىلۋ سالتاناتىندا ورگان اسپابىنىڭ شەبەرى، قازاقستاننىڭ ەڭبەك سىڭىرگەن ءارتىسى، «پاراسات» جانە «قۇرمەت» وردەندەرىنىڭ يەگەرى - عابيت نەسىپبايەۆ ونەر كورسەتەدى. ورگان مۋزىكاسى - ورگان اسپابىمەن ورىندالاتىن مۋزىكالىق جانر ءتۇرى. اسپاپتىڭ وزىنە ءتان ەرەكشە دىبىسىن، بەلگىلى كومپوزيتورلار ءارتۇرلى جانرلاردا، سونىڭ ىشىندە كلاسسيكالىق مۋزىكادا قولدانادى. ءدال وسى كەشتە باروككو ءداۋىرىنىڭ ۇلى كومپوزيتورلارىنىڭ ورگان مۋزىكالارى ورىندالماق. جاڭا ماۋسىمنىڭ اشىلۋى باروككو ءداۋىرىنىڭ ەكى ۇلى كومپوزيتورى - ديتريح بۋكستەحۋد پەن يوگانن سەباستيان باحتىڭ شىعارماشىلىعىنا ارنالادى. ونىڭ ورگانعا ارنالعان ۆيرتۋوزدى تۋىندىلارى ەكسپرەسسيۆتى ۇيلەسىمدىلىگىمەن ەرەكشەلەنەدى.ورگان مۋزىكاسىنىڭ جاڭا ماۋسىمىنداعى اشىلۋ ءساتىنىڭ قوناعى بولۋعا ءسىزدى دە شاقىرامىز!
2024 جىلدىڭ 24 قىركۇيەك كۇنى ساعات 19:00-دە «Open Spain» حالىقارالىق بايقاۋىنىڭ لاۋرەاتى مەملەكەتتىك قاراعايلى ۇرمەلى اسپاپتار كۆينتەتىنىڭ كونسەرتتىك ماۋسىمىنىڭ وتەتىندىگىن حابارلايمىز. بيىل اتالعان كۆينتەتتىڭ 20 جىلدىق مەرەيتويى قوسا تويلانادى. كونسەرتتىڭ كوركەمدىك جەتەكشىسى: قازاقستاننىڭ ەڭبەك سىڭىرگەن قايراتكەرى - جانات ەرمانوۆ. كەش قوناقتارى قازاقستاننىڭ ەڭبەك سىڭىرگەن قايراتكەرى – امير تەبينيحين(فورتەپيانو، گەرمانيا)، قىرعىز رەسپۋبليكاسىنىڭ حالىق ءارتىسى - ەرنيس اسانالييەۆ(سكريپكا، قىرعىزستان). كونسەرت باعدارلاماسىندا الەمدىك مۋزىكا مادەنيەتىنىڭ التىن قورىن قۇرايتىن كورنەكتى ك ومپوزيتورلاردىڭ شىعارمالارى ورىندالادى. جاڭا ماۋسىمنىڭ اشىلۋىندا كۆينتەتتىڭ سۇيىكتى تىڭدارماندارىنا ارنالعان فلەيتا، گوبوي، كلارنەت، فاگوت جانە ۆالتورنا دىبىستارىمەن ەرەكشە باعدارلاما ۇسىنىلادى!
2024 جىلدىڭ 25 قىركۇيەك كۇنى ساعات 19.00-دە جامبىل اتىنداعى قازاق مەملەكەتتىك اكادەميالىق فيلارمونياسىنىڭ ۇلكەن زالىندا ق ر مەملەكەتتىك ۇرمەلى اسپاپتار وركەسترىنىڭ LXXXV ماۋسىماشار كونسەرتى وتەتىنىن حابارلايمىز. وركەستردىڭ كوركەمدىك جەتەكشىسى جانە باس ديريجەرى - ق ر ەڭبەك سىڭىرگەن قايراتكەرى، «قۇرمەت» وردەنىنىڭ كاۆالەرى قانات احمەتوۆ. كەشتىڭ باستى قوناعى تايۆان مەملەكەتىنەن ارنايى كەلەتىن سوليست - يە شۋ حان (ترۋبا). جانە دە كونسەرت قاتىسۋشىلارى - قازاقستاننىڭ ەڭبەك سىڭىرگەن قايراتكەرى - يگور بلاگودارنىي، حالىقارالىق بايقاۋلاردىڭ لاۋرەاتى - بەرەكە ەڭكەبايەۆا.
قازاقستان رەسپۋبليكاسىنىڭ مەملەكەتتىك ۇرمەلى اسپاپتار وركەسترى ءوزىنىڭ جاڭا كونسەرتتىك ماۋسىمىنىڭ اشىلعانىن قۋانا حابارلايدى. كلاسسيكالىق شىعارمالاردىڭ شەبەرلىگىمەن تانىمال ۇجىم ونەر سۇيەر قاۋىمعا ەرەكشە باعدارلاما ۇسىنادى. وركەستردىڭ كوركەمدىك جەتەكشىسى ءارى ديريجەرى قانات احمەتوۆتىڭ ايتۋىنشا، وركەسترلىك قۇرام امبەباپ اسپاپتاردىڭ شەبەرلىگىن ەلىتكەن باعدارلامادا سىيدىرىپ، سۇيىكتى تىڭدارمانىنا ۇسىنۋدى اسىعا كۇتەدى. بۇگىنگى كۇنى 30-عا تارتا وتاندىق كومپوزيتور پارتيتۋرالارى ەۆروپا ەلدەرىنىڭ باسپالارىندا جارىق كوردى. سونىمەن قاتار، ق ر مەملەكەتتىك ۇرمەلى اسپاپتار وركەسترىنىڭ كومپاكت-ديسكىلەرى ۆەنا مەن تايۆاندا شىعارىلدى. ساحنا ساڭلاقتارىنىڭ اۋەزدى اۋەنىنە قانىق بولىپ، جاڭا ماۋسىمداعى ۇرمەلى اسپاپتارمەن دايارلانعان كونسەرتكە قۋانا سىزدەردى دە شاقىرىپ، اقپاراتتىق قولداۋ بەرۋلەرىڭىزدى سۇرايمىز.
2024 جىلدىڭ 27 قىركۇيەك كۇنى ساعات 19.00-دە جامبىل اتىنداعى قازاق مەملەكەتتىك اكادەميالىق فيلارمونياسىنىڭ ۇلكەن زالىندا ت.ابدىراشيەۆ اتىنداعى قازاقستان رەسپۋبليكاسى مەملەكەتتىك اكادەميالىق سيمفونيالىق وركەسترىنىڭ جاڭا كونسەرتتىك ماۋسىمىنىڭ اشىلۋى وتەدى. وركەستردىڭ كوركەمدىك جەتەكشىسى جانە باس ديريجەرى - قانات وماروۆ. كونسەرتكە ب.بايقاداموۆ اتىنداعى مەملەكەتتىك حور كاپەللاسى قاتىسادى. كوركەمدىك جەتەكشىسى جانە باس ديريجەرى: قازاقستاننىڭ ەڭبەك سىڭىرگەن قايراتكەرى – بەيىمبەت دەمەۋوۆ.
كونسەرتتىك باعدارلامادا مۋزىكا تاريحىنداعى ەڭ ۇلى شىعارمالاردىڭ ءبىرى – ليۋدۆيگ ۆان بەتحوۆەننىڭ №9 سيمفونياسى ورىندالادى. شىعارما- بوستاندىق، باۋىرمالدىق، قۋانىش ۇعىمىن تىڭدارمانعا تازا ۇنمەن جەتكىزەدى. ماەسترو قانات وماروۆتىڭ جەتەكشىلىگىمەن وركەستر مەن حور سوليستەرى، تىڭداۋشىلارعا ومىرلىك قۇندىلىقتاردى سەزدىرىپ قانا قويماي، بارىنشا تاقىرىپتى تارقاتا جەتكىزەتىنى ءسوزسىز. مۋزىكادان ءمان ىزدەي بىلگەن قاۋىم ءۇشىن وركەستردىڭ ءاربىر ونەرى ومىرشەڭ بولىپ ەستىلەدى.
2024 جىلى 29 قىركۇيەك كۇنى ساعات 18.00-دە جامبىل اتىنداعى قازاق مەملەكەتتىك اكادەميالىق فيلارمونياسىنىڭ ن.تىلەندييەۆ اتىنداعى كامەرالىق زالىندا ع. جۇبانوۆا اتىنداعى مەملەكەتتىك ىشەكتى اسپاپتار كۆارتەتىنىڭ جاڭا كونسەرتتىك ماۋسىمىنىڭ اشىلۋى وتەدى. كوركەمدىك جەتەكشىسى – قازاقستاننىڭ ەڭبەك سىڭىرگەن قايراتكەرى – ەرنار مىڭتايەۆ. باعدارلامادا: ل.بەتحوۆەن – كۆارتەت №14 وپۋس. 131، د.شوستاكوۆيچ - كۆارتەت №12 وپۋس. 133 ءا.ءابدىنۇروۆ – «دۋداراي» شىعارمالارى ورىندالادى. ىشەكتى اسپاپتار كۆارتەتىنىڭ العاشقى قۇرامى 1988 جىلى الماتى قالاسىنىڭ احمەت جۇبانوۆ اتىنداعى مۋزىكا مەكتەبىندە قۇرىلعان بولاتىن. بۇگىندە شىعارماشىلىق ۇجىمدا ورىنداۋشىلاردىڭ ءتورتىنشى بۋىنى قىزمەت ەتۋدە. ىشەكتى كۆارتەتتىڭ نەگىزىن سالۋشى، ۇجىمنىڭ كوركەمدىك جەتەكشىسى، رەسپۋبليكالىق جانە حالىقارالىق بايقاۋلاردىڭ لاۋرەاتى، شەبەر ۆيولونچەلشى - ەرنار مىڭتايەۆ. مەملەكەتتىك كۆارتەت قازاقستاننىڭ ەڭ ۇزدىك كامەرالىق انسامبلدەرىنىڭ ءبىرى بولىپ سانالادى. ونىڭ جوعارى ورىنداۋشىلىق دەڭگەيى، ۆيرتۋوزدىق تەحنيكاسى، دىبىس سۇلۋلىعى، ءستيلدى تىلسىم سەزىنۋى جانە بيىك انسامبلدىك مادەنيەتى بىردەن نازار اۋدارتادى. ۇزاق جىلدار بويى ءوز مادەنيەتىمەن تانىلعان كۆارتەتتىڭ تاعى ءبىر ماۋسىماشار كونسەرتىنە قۋانا قوناق بولۋعا شاقىرامىز!
2024 جىلدىڭ قازان ايىنىڭ 1ء-شى جۇلدىزىندا ساعات 19:00-دە ب.بايقاداموۆ اتىنداعى مەملەكەتتىك حور كاپەللاسىنىڭ جاڭا ماۋسىمنىڭ اشىلۋىنا ارنالعان كونسەرتى وتەتىندىگىن حابارلايمىز! رەسپۋبليكاعا ەڭبەگى سىڭگەن ۇجىم، بۇكىلوداقتىق بايقاۋدىڭ لاۋرەاتى اتانعان مەملەكەتتىك حور كاپەللاسى جامبىل اتىنداعى قازاق مەملەكەتتىك فيلارمونياسىنىڭ قۇرامىنا 1935 جىلى كىردى. ياعني، ءدال بيىل حور كاپەللاسى 85 جىلدىق مەرەيتويىن اتاپ وتۋدە. ب. بايقاداموۆ اتىنداعى مەملەكەتتىك حور كاپەللاسىنىڭ رەپەرتۋارىندا شەتەل كلاسسيكتەرى مەن ەلىمىزدىڭ ساڭلاق كومپوزيتورلارى ب.بايقاداموۆ، ە.راحمادييەۆ، ع.جۇبانوۆا، م.ساعاتوۆ، س.مۇحامەدجانوۆ، ج.تۇرسىنبايەۆتىڭ شىعارمالارى بەرىك ورىن العان. وسىنداي شىعارماشىلىق-كوركەمدىك الەۋەتى بيىك كاپەللا ۇجىمى قازاقستاندا عانا ەمەس، شەتەل ساحنالارىندا دا ونەر كورسەتىپ كەلەدى.
كەشتە قازاقستاننىڭ حالىق ءارتىسى يەگەرلەرى - روزا رىمبايەۆا، ايگۇل ۇلكەنبايەۆا، رامازان ستامعازييەۆ قوناق بولىپ، ءوز ونەرىن كورسەتەتىن بولادى. باعدارلامادا قازاق جانە شەتەل كومپوزيتورلارىنىڭ شىعارمالارى ورىندالادى. مەملەكەتتىك حور كاپەللانىڭ كەرەمەت كەشىنە كۋا بولىپ، اقپاراتتىق قولداۋ بەرۋلەرىڭىزدى سۇرايمىز!