جامبى اتۋشىلار شىمكەنتتە جاتتىعىپ جاتىر

چەمپيوناتقا 13 ەلدەن 60 سپورتشى قاتىسادى

شىمكەنت قالالىق يپپودرومىندا ازيا چەمپيوناتى قارساڭىندا جامبى اتۋدان قازاقستان قۇراماسىنىڭ وقۋ-جاتتىعۋ جيىندارى ءوتىپ جاتىر، دەپ حابارلادى اlmaty-akshamy.kz. 

جامبى اتۋدان قازاقستان ۇلتتىق قۇراماسىنىڭ باس باپكەرى ەلدوس باداشيەۆ سپورتشىلاردىڭ دايىندىعىنا توقتالدى.

5ء-شى دۇنيەجۇزىلىك كوشپەندىلەر ويىندارىنا دايىندىقتى اقپاندا باستادىق. العاشقى وقۋ-جاتتىعۋ جيىندارىندا سپورتشىلاردىڭ دەنە شىنىقتىرۋىنا باسا نازار اۋدارىلدى. بۇل جاتتىعۋ جيىندارىنا قۇرامامىزدىڭ سپورتشىلارى دا قاتىسادى. الدا تاعى ەكى كەزەڭ بار، – دەدى باس جاتتىقتىرۋشى.

ءبىرىنشى ازيا چەمپيوناتى قارساڭىندا شىمكەنت يپپودرومىندا جامبى اتۋدان ساۋد ارابياسىنىڭ ۇلتتىق قۇراماسى دا جاتتىعىپ جاتىر.

ايتا كەتسەك، 14-18 ءساۋىر ارالىعىندا شىمكەنتتە ەرەسەكتەر اراسىندا جامبى اتۋدان ءبىرىنشى ازيا چەمپيوناتى وتەدى. چەمپيوناتقا 13 ەلدەن 60 سپورتشى قاتىسادى. جارىسقا يندونەزيا، كۋۆەيت، قىرعىزستان، جۇڭگو، موڭعوليا، ومان، وزبەكستان، پاكىستان، رەسەي، ساۋد ارابياسى، سيريا، تايلاند، قازاقستان سپورتشىلارى قاتىسادى.

ەسكە سالا كەتسەك، رەسپۋبليكالىق جامبى اتۋ فەدەراسياسى ۇلتتىق سپورت قاۋىمداستىعىنىڭ قۇرامىنا كىرەدى. قاۋىمداستىق قۇرامىندا بۇدان وزگە «بايگە»، «كوكپار»، «اۋدارىسپاق»، «ساداق اتۋ»، «تەڭگە ءىلۋ»، «قۇسبەگىلىك»، «اسىق اتۋ»، «JORYQ» ات سپورتى جانە ت.ب. فەدەراسيالار بار. ق ر ۇلتتىق سپورت قاۋىمداستىعىن بەلگىلى كاسىپكەر، مەسەنات، «Altyn Qyran Foundation» قوعامدىق قورى قامقورشىلىق كەڭەسىنىڭ ءتوراعاسى يسلامبەك سالجانوۆ باسقارادى.