جەتىسۋ وبلىسىندا جامبى اتۋدان ەل چەمپيوناتى باستالدى.
جاسوسپىرىمدەر اراسىنداعى بىرىنشىلىك رەسپۋبليكامىزدا وسىمەن توعىزىنشى رەت ۇيىمداستىرىلىپ وتىر، دەپ حابارلايدى Almaty-akshamy.kz 24.kz-كە سىلتەمە جاساپ.
سايىسقا وڭىرلەردەگى ىرىكتەۋ ءتۋرنيرىنىڭ جەڭىمپازى اتانعان 60-قا جۋىق سپورتشى قاتىسىپ، ب ا ق سىنايدى. جاۋىنگەرلىك ونەردى جانىنا سەرىك ەتكەن قىز-جىگىتتەر "ازيا"، "ماجار"، "تۇركى" جانە "جامبى" ءستيلى بويىنشا ۇزدىكتەردى انىقتايدى. ءتورت كۇندىك جارىستا مەرگەندىگىمەن كوزگە تۇسكەندەر ۇلتتىق قۇراماعا قوسىلادى.
نۇراسىل مەيىر ۇلى، جارىسقا قاتىسۋشى: - كوكشەتاۋ قالاسىندا وتكەن چەمپيوناتىندا تۇرىك نىساناسىنان ءبىرىنشى ورىن، جامبى نىساناسىنان ءۇشىنشى ورىن جانە تايتۇياق ۇتىپ العان بولاتىنمىن. بۇگىنگى جارىستان ۇزدىك ۇشتىكتەن كورىنەم دەگەن ويدامىن.
باعداۋلەت ءسابيتوۆ، ۇلتتىق جانە ات سپورتى تۇرلەرى ورتالىعىنىڭ ديرەكتورى: - بۇل جارىستا جەڭىمپاز بولعان سپورتشىلار سپورت شەبەرلىگىنە ۇمىتكەر ءنورماتيۆىن ورىندايدى. ۇلتتىق قۇراما ساپىنا ىلىنەدى. حالىقارالىق جارىستار بولىپ جاتقان جاعدايدا ەلدىڭ نامىسىن قورعايدى.