الماتىدا پوليسيا زاڭسىز كۋرەرلىك قىزمەتپەن اينالىسقان شەتەلدىكتەردى ۇستادى.
بۇل دەرەكتەردى كوشى-قون قىزمەتى “زاڭسىز كەلۋشى” جەدەل-پروفيلاكتيكالىق ءىس-شاراسى بارىسىندا انىقتادى، دەپ حابارلايدى Almaty-akshamy.kz Polisia.kz-كە سىلتەمە جاساپ.
– كورشى ەلدىڭ 9 ازاماتىنىڭ كوشى-قون زاڭناماسىنىڭ تالاپتارىن بۇزا وتىرىپ، ەڭبەك قىزمەتىن جۇزەگە اسىرعانى بەلگىلى بولدى. اتاپ ايتقاندا كۋرەرلىك پلاتفورمالاردىڭ بىرىندە ولار قازاقستاندىقتاردىڭ اتىنان تىركەلىپ، تاۋارلاردى جەتكىزۋگە تاپسىرىستار العان. سونىمەن قاتار، تەكسەرۋ بارىسىندا جوعارىدا اتالعان ازاماتتاردىڭ وزدەرىمەن بىرگە جەكە باسىن كۋالاندىراتىن قۇجاتتارى بولماعانى انىقتالدى. “قۇقىق بۇزۋشىلىقتىڭ الدىن الۋ تۋرالى” زاڭنىڭ 29-بابىنىڭ ەرەجەلەرىنە سايكەس، شەتەلدىك قۇقىق بۇزۋشىلار قابىلداپ-تاراتۋ ورنىنا ورنالاستىرىلادى. ولاردىڭ ءارقايسىسىنىڭ جەكە باسىن انىقتاۋ جانە ودان ءارى جاۋاپكەرشىلىككە تارتۋ جۇمىستارى جۇرگىزىلىپ جاتىر، – دەدى الماتى قالالىق پد كوشى-قون قىزمەتى باسقارماسى باستىعىنىڭ ورىنباسارى گەنناديي مەن.
سپيكەر سونداي-اق “زاڭسىز كەلۋشى” جەدەل-پروفيلاكتيكالىق ءىس-شاراسىنىڭ ماقساتى – زاڭسىز جۇرگەن شەتەلدىكتەردى انىقتاۋ، سونىمەن قاتار زاڭسىز كوشى-قون ارنالارىنىڭ جولىن كەسۋ ەكەنىن ەسكە سالدى.