قازاقستاندا كولىكتەردى جالعان تەحنيكالىق تەكسەرىستەن وتكىزگەندەرگە جازا قاتاڭداتىلادى.
پرەمەر-مينيستر ءاليحان سمايىلوۆ دەپۋتاتتىق ساۋالعا بەرگەن جاۋابىندا وسىلاي دەدى، دەپ حابارلايدى Almaty-akshamy.kz.
ايتۋىنشا، ءقازىر ءتيىستى زاڭعا وزگەرىس ەنگىزىلىپ جاتىر. ەندى اۆتوكولىكتى قاراماي، ونىڭ جابدىقتارىن تەكسەرمەي، رۇقسات قۇجاتىن بەرۋ دەرەكتەرى ەرەكشە باقىلاۋدا بولادى. جالعان كۋالىك الۋعا تىرىسقاندار دا جاۋاپقا تارتىلادى. ولارعا ايىپپۇل سالۋ قاراستىرىلعان.