WhatsApp مەسسەندجەرى جالپى چاتتاردا جازاتىن بەلگىسىز نومىرلەردىڭ ەسىمىن كورسەتەتىن بولادى.
WhatsApp مەسسەندجەرىن ازىرلەۋشىلەر ونى پايدالانۋ پروسەسىن ىڭعايلىراق ەتەتىن، سونداي-اق الاياقتار مەن سپامەرلەردەن قورعايتىن جاڭا جانە پايدالى مۇمكىندىكتەردى ەنگىزۋگە دايىندالىپ جاتىر، دەپ حابارلايدى Almaty-akshamy.kz Ulysmedia.kz-كە سىلتەمە جاساپ.
WhatsApp-تىڭ بەتا-نۇسقاسى بەلگىسىز نومىرلەردەن كەلەتىن كىرىس قوڭىراۋلاردى اۆتوماتتى تۇردە «بلوكتاۋ» فۋنكسياسىنا يە بولدى. بۇل - سپامعا قارسى تولىق ەمەس، ءبىراق جارنامالىق نەمەسە كۇماندى ۇسىنىستارمەن بەيتانىس ادامدار ۇنەمى قوڭىراۋ شالاتىندار ءۇشىن وتە پايدالى نۇسقا.
قازىرگى ۋاقىتتا بەلگىسىز قولدانۋشى توپتىق چاتقا جازسا، WhatsApp ونىڭ ءنومىرىن عانا كورسەتەدى. ءبىراق جاڭاشىلدىققا سايكەس، ءنومىردىڭ ورنىنا بەلگىسىز قوڭىراۋ شالۋشىنىڭ اتى كورسەتىلەدى. مۇنداي جاڭالىق ءار كونتاكتىنى بولەك ساقتاماي-اق اڭگىمەلەسۋشىلەر مەن ولاردىڭ حابارلامالارىن تانۋدى جەڭىلدەتۋى كەرەك. سونىمەن قاتار، مۇنداي جازىلۋشىلاردىڭ نومىرلەرى ءالى دە كورۋ ءۇشىن قولجەتىمدى بولادى.