پاۆلوداردا ءتارتىپ ساقشىلارىنا جالعان پوليسيا قىزمەتكەرىنىڭ كۋالىگىن كورسەتىپ، جاۋاپكەرشىلىكتەن جالتارماق بولعان ازامات ۇستالدى.
بۇل تۋرالى ىشكى ىستەر مينيسترلىگىنىڭ ونلاين-بريفينگىندە ۆەدومستۆو وكىلى شۇعىلا تۇرلىبەك مالىمدەدى
«پاۆلودار قالاسىنىڭ پاترۋلدىك پوليسيا ينسپەكتورلارى جول قوزعالىسى ەرەجەلەرىن بۇزعان Lexus ماركالى اۆتوكولىگىن توقتاتتى. جۇرگىزۋشىنىڭ استانا قالاسىنىڭ تۇرعىنى ەكەنى انىقتالدى. ول ينسپەكتورلارعا ىشكى ىستەر مينيسترلىگىنە قاراستى جەكە قاۋىپسىزدىك دەپارتامەنتى قىزمەتكەرىنىڭ قىزمەتتىك كۋالىگىن ۇسىنعان. ونىڭ قۇجاتتارىن تەكسەرۋ كەزىندە كۋالىكتىڭ جالعان ەكەنى بىلگىلى بولدى»، - دەپ ءمالىم ەتتى شۇعىلا تۇرلىبەك.
اتىلمىش وقيعاعا قاتىستى پاۆلودار وبلىستىق پوليسيا دەپارتامەنتى قىلمىستىق كودەكستىڭ 385-بابى 3-بولىگى (كورiنەۋ جالعان قۇجاتتى پايدالانۋ) بويىنشا سوتقا دەيىنگى تەرگەپ-تەكسەرۋدى باستادى.