قۇندى تيىنداردىڭ موڭعول يمپەرياسى كەزەڭىنە جاتاتىنى انىقتالدى.
مەملەكەتتىك كىرىستەر دەپارتامەنتىنىڭ قىزمەتكەرلەرى كونە مونەتالاردى امەريكا قۇراما شتاتتارىنا زاڭسىز اكەتۋگە جول بەرمەدى، دەپ حابارلايدى Almaty-akshamy.kz. Azattyq Ruhy-نا سىلتەمە جاساپ.
زاڭ بۇزۋشىلىقتى 22 قاڭتاردا «جەتىسۋ» كەدەن بەكەتىنىڭ قىزمەتكەرلەرى كەدەندىك باقىلاۋ بارىسىندا الماتى قالاسىنىڭ اۋەجايىنداعى حالىقارالىق پوچتا جونەلتىلىمدەرىن باقىلاۋ ۋچاسكەسىندە انىقتاعان.
«قۇجاتتارعا ارنالعان قاپتاما قاپشىعىنىڭ قابىرعالارىندا مونەتالاردى جاسىرۋ فاكتىسىن كەدەن قىزمەتكەرلەرى قوندىرعىنىڭ رەنتگەنوگرافياسىن پايدالانا وتىرىپ، سكانەرلەۋ بارىسىندا انىقتادى. ۇستالعان مونەتالار V-XIII عاسىرلار ارالىعىندا ورتا ازيا اۋماعىندا مونەتا ادىسىمەن جاسالعان جانە تاريحي قۇندىلىققا يە»، - دەلىنگەن كوميتەت حابارلاماسىندا.
دەپارتامەنت باسشىسىنىڭ ورىنباسارى داۋرەن ءمۇستافيننىڭ ايتۋىنشا، تابىلعان زاتتار قازاقستان رەسپۋبليكاسىنىڭ زاڭناماسىنا سايكەس ەلدەن اكەتۋ مىندەتتى دەكلاراسيالاۋعا جاتاتىن جانە ۋاكىلەتتى ورگاننىڭ رۇقساتى بولعان جاعدايدا عانا مۇمكىن بولاتىن مادەني جانە تاريحي قۇندىلىقتار ساناتىنا جاتادى.
«قازىرگى ۋاقىتتا انىقتالعان فاكت بويىنشا الىنعان زاتتار مەن ماتەريالدار ساراپشىلارعا بەرىلدى، ولار قورىتىندىدان كەيىن مونەتالاردى اكەتۋگە ارەكەت جاساعان ادامعا قاتىستى ءتيىستى پروسەستىك شەشىم قابىلدايتىن بولادى. ايتا كەتۋ كەرەك، سوڭعى ۋاقىتتا تىيىم سالىنعان تاۋارلاردى كونتراباندالىق جولمەن اكەلۋ ءۇشىن پوشتا جونەلتىلىمدەرىنىڭ ارناسى كوبىرەك قولدانىلۋدا»، - دەدى كوميتەت وكىلى.
تەك 2022 جىلى الماتى قالاسىنىڭ اۋەجايىندا اينالىمعا تىيىم سالىنعان تاۋارلاردى، ونىڭ ىشىندە ەسىرتكى جانە پسيحوتروپتىق زاتتاردى، قارۋ-جاراق پەن وق-دارىلەردى كەدەندىك شەكارا ارقىلى وتكىزۋدىڭ ونداعان جاعدايلارى توقتاتىلدى.