قوس ازاماتتىق ءۇشىن جازا كۇشەيتىلەدى

زاڭنامالىق اكتىلەرگە قوس ازاماتتىعىن جاسىراتىندار ءۇشىن جازانى قاتايتاتىن تۇزەتۋلەر ەنگىزىلەدى، دەپ حابارلادى اlmaty-akshamy.kz.

«باسقا ەلدىڭ ازاماتتىعىن قابىلداۋ كەزىندە زارداپتاردى بولدىرماۋ ءۇشىن وزگە ەلگە كەتكەن جانە سول ەلدىڭ ازاماتتىعىن قابىلداعان قازاقستاننىڭ ازاماتتارى 30 كۇن ىشىندە قازاقستان رەسپۋبليكاسىنىڭ كونسۋلدىعىنا ازاماتتىقتى جوعالتۋدى تىركەۋگە ءوتىنىش بەرۋى كەرەك»، - دەدى ش.تۇرلىبەك ىشكى ىستەر مينيسترلىگىنىڭ ونلاين-بريفينگىندە.

ايتا كەتەيىك، قازاقستان قوس ازاماتتىقتى مويىندامايدى. قوس ازاماتتىقتى جاسىرعانى ءۇشىن 200 ايلىق ەسەپتىك كورسەتكىشكە دەيىن (690 مىڭ تەڭگە) ايىپپۇل سالىنادى نەمەسە قازاقستاننان شىعارۋ قاراستىرىلعان.

تمد-دا قوس ازاماتتىقتى انىقتاۋ جەڭىلىرەك بولادى.

«وتكەن جىلى قوس ازاماتتىعى ءۇشىن 841 ادام اكىمشىلىك جاۋاپكەرشىلىككە تارتىلسا، 138ء-ى سوت شەشىمىمەن ەلدەن شىعارىلدى، قالعاندارىنا ايىپپۇل سالىندى»، - دەپ ناقتىلادى ءىىم رەسمي وكىلى.

سوڭعى بەس جىلدا ازاماتتىق زاڭنامانى بۇزعانى ءۇشىن 3515 ادام قىلمىستىق جاۋاپكەرشىلىككە تارتىلسا، ونىڭ 3 مىڭنان استامىنا ايىپپۇل سالىنىپ، 473ء-ى ەلدەن قۋىلعان. قازاقستان ازاماتتىعى بارلىعىنا الىنىپ تاستالدى.