بۇل تۋرالى الماتى اكىمىنىڭ الاتاۋ اۋدانى تۇرعىندارىمەن كەزدەسۋىندە ءمالىم بولدى، دەپ حابارلايدى Almaty-akshamy.kz.
- مەن «وجەت» ىقشاماۋدانىندا تۇرامىن. ءوزىمنىڭ اۋدانىمدى جانە «قاراسۋدى» وتە جاقسى بىلەمىن. ويتكەنى وسى جاقتا ءجيى جۇرەمىن. بىزدە دە جولدار وتە ناشار. اسىرەسە، جولداعى ليۋكتاردىڭ اينالاسى قازىلىپ كەتكەن. كولىكتەر سودان قاشىپ ءقاۋىپتى جاعداي تۋدىرىپ جاتادى، - دەپ قالا اكىمىنە ساۋال جولدادى اۋدان تۇرعىنى.
«وسى جىلى ارنايى الاتاۋ اۋدانىنداعى 60 كوشەدە ورتاشا جوندەۋ جۇمىستارىن جۇرگىزەمىز. جول جوق، بۇرىن بولماعان جەرلەرگە سالىپ بەرەمىز. ەندى ليۋك بويىنشا، ولار باياعى تەحنولوگيامەن سالىنىپ، بۇزىلعان. وسى جىلى جاڭا، قۇلامايتىن قالقىمالى ليۋكتاردى سالايىن دەپ جاتىرمىز. ورتاشا جوندەۋ بولعان كوشەلەردە ليۋكتاردى بىردەن سالامىز. وسى جىلى ويىمىزدا 10 مىڭ ليۋك ساتىپ الۋ بار. بارلىعى قالامىزدا 40 مىڭ ليۋك جاتىر. ولاردى ءوزىڭىز بىلەتىندەي تاعى ۇرلايدى. الدىمىزداعى مامىر-ماۋسىم ايلارىنىڭ ىشىندە قالاداعى ەڭ جينالىپ قالعان سۇراقتاردى شەشۋگە تاپسىرما بەردىم، قاراجاتتى بولدىك. جاڭا ليۋك سالعاننان كەيىن ول 10 جىل جاتادى، ەشكىم ۇرلاماسا»، - دەپ جاۋاپ بەردى قالا اكىمى ەربولات دوسايەۆ.