ەڭبەكمينىنىڭ اقشالاي سىياقىمەن ساۋالناما جۇرگىزەتىنى تۋرالى تاراتىلىپ جاتقان اقپارات جالعان، دەپ حابارلايدى almaty-akshamy.kz
مەسسەندجەرلەر مەن الەۋمەتتىك جەلىلەردە تاراتىلىپ جاتقان، ق ر ەڭبەك جانە حالىقتى الەۋمەتتىك قورعاۋ مينيسترلىگى 50 000 تەڭگە مولشەرىندەگى سىياقىمەن ساۋالناما جۇرگىزەتىنى تۋرالى اقپارات شىندىققا سايكەس كەلمەيدى. ەڭبەكمينى مەسسەندجەرلەر مەن الەۋمەتتىك جەلىلەر ارقىلى ازاماتتارعا ەشقانداي ساۋالناما جۇرگىزبەيدى.
ازاماتتارعا الاياقتار مۇنداي حابارلامالاردى شوتتار مەن بانكتىك شوتتارعا قول جەتكىزۋ ءۇشىن پايدالانۋى مۇمكىن ەكەنىن ەسكەرتەمىز. الاياقتىقتىڭ قۇربانى بولماس ءۇشىن ەشبىر جاعدايدا كۇماندى سىلتەمەلەرگە وتپەۋىڭىزدى جانە وندا ءوزىڭىزدىڭ جەكە دەرەكتەرىڭىزدى قالدىرماۋىڭىزدى سۇرايمىز.
ازاماتتاردان جالعان اقپاراتقا نازار اۋدارماۋدى جانە اقپاراتتى تەك رەسمي كوزدەردەن عانا الۋدى سۇرايمىز.
جالعان اقپاراتتى تاراتۋ زاڭ بويىنشا جازالاناتىنىن ەسكە سالامىز.